Pope Leo nih kum 18 chung thongthlak nak a rak tongmi kum 97 a si cang mi Cardinal sinah ca a kuat
Kum 18 chung Albania thonginn ah rianhrang ṭuannak he thongthlak a rak tong mi Cardinal Ernest Simoni cu July 31, 97 kum a si hnu ah va kal ṭhan in cu thonginn ah harsatnak a rak tongmi hna philh lo nak le thonginn ah a thi mi thlarau hna caah Missa thawinak a tuah tiah theih a si.
1968 kum ah rak sak mi, dar le pyrits cawhnak hmun pawngah a ummi Spaç thonginn cu ramchung communist cozah nih a rak hmanmi rianṭuannak thonginn lakah ṭih nung bik le a har bikmi thonginn pakhat zong a rak si.
Cu ka hmun cu Cardinal Simoni cu thlangbawi note a si lio kum 18 chung thongthlak nak a rak tonnak hmun zong a si.
Pope Leo XIV cakuat cu, Missa tuahnak a dih hnu ah aw thangpi in rel a si i, cu cakuat konglam cu cardinal pa siseh, an konglam an tuanbia chim bal a si lomi thongtla tampi hna upatnak pek kong a si tiah theih a si.
“Jesuh Khrih thawngṭhabia nih a uk cang mi lungthin cu zeibantuk thircikcin hmanh in khih khawh a si lo. Zeibantuk harsat, muihnak hmanh u seh law Bawipa nih a dawtmi a fa le hna caah cun timhtuahpiak nak a ngeih zungzal ko hna. Zeibantuk thonginn hmanh nih Pathian dawtnak he zong a ṭhen kho fawn hna lo” tiah Pope nih a cakuat ah a langhter.
Pope nih Spaç kong he pehtlai in Albania ram philh lonak caan lio ah “mi tampi nih a rit tuk mi dinlonak vailamtah put nak hmun a si” tiah a rak ti.
“Cu tlang hna ahcun harnak a tongmi le a thimi hna thisen nih ti bangin a toih i an thisen hna nih zumhtlak, ralthatnak le ruahchannak tehte dai tein an khaan hna,” tiah a ti fawn.
“Cu hmun in mi hna thlacamnak zeizat dah Vancung ah rak phanh hnga! Cu hmun i minung hna an lungthin chungin zeitluk in dah thlacamnak an rak ngeih hnga! Sifah harnak in a khatmi minung zeizat nih dah Pathian sinah hmanung bik an i ruahchannak zong an rak chiah hnga!” tiah a ti rih.
‘Cardinal pa nih cu hmun ah Missa tuah dingin, kir than dingin biakhiahnak a tuahmi cu “Khrih raithawinak, vailamtahnak cu thihnak hmelchunhnak in nunnak biakamnak ah a thlentu” bantuk tehte khaan a si tiah Pope nih a ti.
President Kennedy thlarau caah Missa a tuah caah tlaih a rak si
Christmas zan 1963 ah, Cardinal Simoni cu thah a tongmi U.S. President John F. Kennedy thlarau caah Missa a tuah hnu ah Enver Hoxha communist cozah nih an rak tlaih.
Lungmeihol cawhnak hmun vawlei tang riantuan dingin sualphawt a rak si lio ah aa rak hrukmi lungmeihol cawhnak lukhuh kha July 31 ah tuahmi Missa thawinak ah aa pummi hna sinah a hmuhsak hna.
Pope Francis nih Cardinal Simoni cu 2016 November thla ah Cardinal si nak a pek. Albania a tlawnnak le hremnak tangah zumhnak a in khawhnak a nungmi tehte a simi tlangbawi he an i ton hnu kum hnih hnu ah a si.
Pope Francis nih Albania a tlawnnak le hremnak chungin a zumhnak fek tein tehte a rak khang tu Simoni he an i ton kum 2 a si hnu November 2016 kum ah Simoni cu Cardinal si nak a rak pek mi a si.
Source: ucanews