St. Matthew, Apostle & Evangelist

Lamkaltu le Bible ttialtu a simi St. Matthew cu Galilee peng ah a ummi Efesa khua ah a chuak i ngunkhuai khawltu zong a rak si. Rome caah ngunkhuai a khawlhpiaktu a si caah misual, zumhtlak lomi minung tiah an rak ti. Amah cu Kapernaum khua i ngunkhuai khawlhnak rian a ttuan lioah Bawi Jesuh nih a rak auh. Matthew cu hmakhatte ah a chawva vialte kaltaak in Jesuh hnu kha a rak zulh colh. Bawi Jesuh cu Matthew inn i a um lioah khan Farasi mi cheukhat hna nih Jesuh kha mitthalo hna, ngunkhuai khawltu hna he aa kommi tiah sual an phawt. Jesuh nih cuti an ti cu a theih tikah midam caah cun siibawi an herh lo, a zawmi lawng nih siibawi an herh. Miding hna caah ka ra lo, mitthalo hna caah ka ra tiah a rak ti hna. (Mt 9:13). St. Matthew thawngtthabia cu amah a hmuhton mi kha a ttial caah a hmaan bik le a tling bik mi a si. A ttial ningcang zong Jesuh chungkhar cazin in a thawk caah amah kha hleice minung tiah an ti. St. Mark kha chiandeih, St. Luke kha caw, St. John kha mupi tiah a tahchunh hna. Chim tawnmi bia ahcun St. Matthew lawnglawng hi Judea ram ah mission rian a ttuan hnu, nichuah leiah thawngttha a chim i cuka ahcun Martyr sinak in a thi.