Pope Leo nih Asian Khrihfabu hna cu ‘I hawikomhnak sertu’ si dingin a sawm hna
Pope Leo XIV nih Asian Catholic bishop pawl tonnak an ngeih hlan ah ‘hawikomhnak sertu si ding le ṭhencheunak a chuahtertu thil tuahnak hrial ding in biacahnak a ngeih hna.
“Babel inn satu si loin, hawikomhnak sertu si u; a rawk dingmi innsang satu bawi siloin, a ra laimi Pathian Pennak a sertu si hram u,” tiin Pope biacah tu Vatican News in a langhter.
Pope nih Pathian kha “kan tuahsernak hna i a cunglei ah chiah ding le minung kha kan biakhiahnak hna i a hrampi ah chiah ding” a herhnak tiin forhfial nak zong a chim.
Pope cathanh cu Latin holh in a chuahi, Bombay (atu Mumbai) India ram in a din cangmi archbishop Cardinal Oswald Gracias cu a ra laimi Asian Bishops’ Conferences (FABC) ah amah aiawh tu dingin thlah a si lai nak zong fehternak a tuah cang Vatican News nih a langhter.
A voi 12nak FABC Plenary Assembly cu “Asia ram ah Synodal lei ah thlennak le daihnak caah hlei si ding le daihnak caah hlei a ser tu si ding timi riantuannak” timi tlangtar in tuah a ti lai i, Indonesia ram khualipi Jakarta ah July 20 in 26 tiang tuah ding in timhtuahnak zong ṭha tein an ngei cang.
A cakuat ah, Pope nih Catholic zumtu hna le bishop pawl zong “A tu kan chan sak ṭhannak hmun ah nan kut thurhnawmh” ding (biatak tein rianṭuan ding) tih lo dingin thazaang a pek hna.
Pope nih Catholic pawl kha “hlawtmi lung bantuk a simi hna — sifak, mizaw, ramdangmi le ngakchia hna— cu innkil lungpi ah a cang kho mi an si i, vawlei cungah a fekmi, mi nih cohlaan duh mi innchungkhar pakhat a chuak lai. Cuka hmun ahcun dawtnak le biatak an i tonnak zong a si lai i dinnak le daihnak a umnak zong a si” tiah a ti hna.
Mi vialte zong kha “A rawk kho mi Babel dang saknak kha ngol dingin le thil ṭha saknak ah thazaang i fonh dingin a forh hna. Cuticun minung hna nih an i dawhnak an sung lai lo i vawlei pi zongnih minung pakhat cio thinlung chungah Pathian um a duhnak hmun a si kha a hngalh ṭhan lai” tiah a ti.
Vatican News nih a langhter ning ahcun, Cardinal Gracias cu India ram Goa le Daman archbishop le FABC president a simi Cardinal Filipe Neri Ferrão nih a halmi Pope envoy (Pope aiawh tu palai)si dingin a hal mi a si tiah a ti.
FABC cu Asia tlanglei, Asia nichuah thlanglei, Nichuah lei, le Central Asia um Catholic bishop pawl komh in 1970 ah rak dirhmi ramkip bu tonak phu pakhat a si.
Kum 50 chung dirh cang mi FABC nih hin kum li dan ah voikhat tonnak tuah leng mang a si tawn. Simanhsehlaw, caan karlak harsatnak hna ruangah tonnak a rak um kho lo.
FABC nih 2020 ah Golden Jubilee puai le a voi 11nak Plenary Assembly tuah ding in timhtuahnak a rak ngei bal. Sihmanhsehlaw, COVID-19 zawtnak le ramkhel chung daih lonak cheukhat hna ruangah cu timhtuahnak hna cu rak hrawh ṭhan a si.
Cu ruangah, 1970 ah federation dirhnak kum 50 tlinnak puai cu 2022 kum ah a voi 11nak Plenary Assembly tonnak he fonh in Bangkok ah rak tuah a si.
FABC phu hruainak in Bupi nih nitlak lei Khrihfa bu zatlang nunphung he aa dang mi Asia ram zatlang nunphung taktak ser-dirh khawh a si nak hnga ding caah timh nak zong a ngei.
Source – ucanews