DINNAK CAWN BUIN RIANṬUANNAK LE RIANṬUAN BUIN HMUH AWK TLAKMI CUTZAT

Zateik Sianginn Hna Ah Dinnak Cawn Buin Rianṭuannak

Kannih cu zateik sianginn hna i tuahtawn ningkeel zong kha hlathlai in theih khawh kan si. Khrihfa biaknak lakin zateik hna cawlcanghnak a rak i thawk tikah khuapi hna i a ummi mi cheukhat ziaza ṭhatlonak le lungrawh ngai a simi thil umtu ningcang in chuahnak awng a kawl i, vawlei thilri a lomi thil hna zaamtak mi in a rak it hawk. Zateik hna cu thetse rawn hna kha Pathian he ton khawhnak a daimi hmun sinak ah an ruah i cu thetse rawn hna ahcun an kal i an va um.

Rianṭuan Buin Hmun Awk Tlakmi Cutzatnak.

Minung cu Sipuazi le zatlang nunphung vawlei ah, a hrambunh, lungthin bunhnak le tinhmi kawltung hna an si tiah kan theih cio. Minung hna i kokek dawhnak cungah hmuhsak ruahṭhannak le Pathian biatak zumhnak hna a zor tikah cun rian cawlcangh ning a tlangpi theihthiamnak a pial khawh. Mipa le minu hna cu annih umtu ningcang a ṭhanchonak ca i nunning ziaza le ṭhatnak (parami) an kawlnak ah ṭhanchonak hmuh dingin tuahṭuan khawhnak thazaang an ngei.

Rian cu minung hna i rum ngaiin pumpak cuza ṭhanchonak caah umtu ningcang a ser piaktu thil a si. Minung pumpak a cuza cangmi si dingah ṭhanchonak caah minung nunning hmuhnak phunphun nih a bawmh piak. Thilthar ruahin tuahthiamnak, hmailei caan aah simanking (timhtuahnak) suai in tuahnak, Pathian pekmi thil tikhawhnak hna kha hmual ngeihter deuhnak, mah lungthin i papek deuhmi kha kuttongh ṭuanchuahnak, mi tampi he hawikomhnak le Pathian lianngan ṭhawnnak huham kha thangṭhatnak hna an si.

Betchihnak ah kan chim ahcun nihin Vawlei pumpi he pehtlaimi minung phu vasi ahcun ton liomi thil umtu ningah rianṭuannak i ṭhatnak phun in an chimmi cu zeitin a va si zongah mikip caah rian hmuhnak timhnak kha papek in ṭuan a hau ko. Mikip cu ser an si katein rianṭuan awkah sawmmi an si. Minung rian kha seh hna rian ah rawlh in rianṭuannak cu tinhnak a si awk a si lo. Hi bantuk tuahsernak cu minung hna kha a khonden.

Rianṭuannak cu vawlei cung i a nungmi kan sinak cheuchum a si i, rianṭuan pahin kan ṭhanglian lengah minung cuzatnak le pumpak in teinak hna kha a chuahter caah rianṭuannak cu minung caah a biapi ngaimi thil a si. Sifah harsami hna kha phaisa in bawmhnak cu fakpi in harnak a tongmi hna caah an harnak piahtana kha lakhruak fianter piaknak a si. A kau deuh in bawmh timhmi upat awk tlak a simi rianṭuannak in nunnak a si.

Sipuazi rianṭuan hna cu ningcang fimthiamnak a ṭhangchomi chanah hin thilman zorter, rianṭuantu hna ṭhumh, seh hna in rawlh i rianṭuannak kha tuah an duh cio. Rian sunghnak cu zatlang nunphung lei bawmhchanh ṭhannak caah khonmi tangka a zorter ruangah sipuaizi kha a khonden khawh ve. Minung hna i hmanmi tangka ah hin sipuazi aa tel i, sipuazi rawhnak ah minung hmanmi tangka aa tel ve.

Minung caah pekchungmi tangka hrambunhnak kha amiak ṭhathnemnak tam deuh hmuh kha ruahchan in, a ngol ahcun cu tuahsernak cu minung phu caah a chiahrumi sipuazi rianṭuannnak tu a si lai. Rian hmuhnak ca i rianṭuan tikah thilri phun tampi chuahternak le sipuazi rianṭuannak kha ruah, thil thar chuahternak aa telmi sipuazi ningcang kha biapi in santer piaknak tuah a herh.

Biana ah kan chim ahcun vawlei cung minung milu tampi a cawn liomi eidin thil hna kha a tlawmte lawng chuahternak ningcang, (vawlei tlawmte lawng hmang in hlonhmi thilri tlawmte lawng aa tel). Lothawhnak hmun in a chuakmi, dum chuak thlairawl, ram vaihnak hmun chung i Nga tlaihnak hna an si.