NUPI ṬHA HNA MAN

Phungchimtu ah a chimṭhan micu Nupi ṭha hna an man kha atang lei bangin a thangṭhat hoi. Lungtlinter zaangfahnak a ngeimi nupi cu zaangfahnak a dot dot he a tling mi an si. Nupa sual duhnak he athiangmi thlarau cu, man khiahkhawh asilo, Pathian hmunthiang hna kha, ni a chuah tikah nichawn a tlan bantuk in nunziaza huham he akhatmi nu hna i duhnung an sinak cu biakṭheng i pekchanhmi meitung in ceunak bantuk an si.

Ziaza ṭha angeimi nupi hna thinlung ah Pathian nawlbia hna a hmunnak cu zungzal a hmun mi ahran hna kha Lungpi cungah thihri bunhmi bantuk asi. (Eecclesiastes 26:16 -24)

Ziaza dinnak he a tlingmi nu cu man khiah khawh asi lo. “Nupiṭha cu hlawnnak in tampi a sung deuh, cu bantuk mi hmuh bel cu a har hringhran, Ava nih aa bochan i a va cu asi afak bal lailo. A nupi nihcun a nunchung vialte ava caah khan chiatnak siloin ṭhatnak kha atuah. Tuuhmul le khum la in puan kha a tah lengmang hna.” (Phungthlukbia 31:10-13). Nupi ṭha hna thawngin vale nunnak ah daihnak an hmuh. An i nuam asi.

“Nupi ṭha i a vapa cu alung aa nuam. Let hnih in an chan a sau. A nun ziaza aṭhami nupi cu a vapa lung a lawmhchaw i a nunchung vialte a lungthin a daihter. Nupi ṭha cu aṭhami tlawmhchaw an si. Pathian atih mi hna cungah aṭha mi thil kha a tuah caah a pekmi laksawng chungah aa tel ve. Cu a vapa cu a thinlung ṭhatnak nih a sifah, arum thleidan lo in zeitik caan paoh ah merh in a lung aa lawmh zungzal. (Eccleciastes 26:1-4).

Nunnem mi nupi, zaangfah awka thlum bia a chim thiammi nupi,in tuarh in ngaihthiam khawhnak a ngeimi nupi hna cu an vak kha a ṭhatnak lei ah an thlenter khawh hna.

“Cu nupi ah zaangfah lungdaihnak a pe mi bia chimthiamnak sining a ngei i daihter remternak le zaangfah zawnruahnak thinlung a ngeih ahcun a vapa cu midang vale hna he aa lomi asi hrimhrim lai lo. Cu bantuk nupi angei mi pa cu mansung thilri, tangka ngeih bantuk asi. (Ecclesiastes 36:25-26).

Clovis (King of the Franks) nih Clotilda an timi nupi pakhat arak ngeih. Cu Siangpahrang nupi cu Khrihfa asi i Pathian a zumh ngaingai mi asi. Siangpahrang pa kha a upat a dawt tuk hringhran i a nawl ngaihnak in akhah mi nu asi. Zaangfahnak in a khah. A dinfel. Ahramthawk ah Siangpahrang pa cu Khrihfa arak si lo. (Clotida) Siangpahrang nupi cu nupiṭha pakhat arak si i, zohchunh awkṭha thil arak langhter leng mang. Amah nih Siangpahrang cungah a chiah mi nawl ngaihnak, a dawtnak kha mi pa pakhat nih a khuaruah ahar kha a hmuh tikah mah nu nih, Keimah cu Siangpahrang pa kha ka duh caah keimah duh nak te in ka nu le ka pa inn kha a rak kaltak mi nu ka si. Atu ka umnak inn hi ka vapa inn asi. Amah nawl ka ngaihawk asi, Ka dawtawk asi, tiah a leh zungzal ṭheo. Mah nu i aṭhami zohchunh awk a tuahmi ruangah Glovis Siangpahrang pa cu Khrihfa ah arak lut. Clotida Siangpahrang nu nih Glovis Siangpahrang pa caah man khiah khawh lomi mansung lungvar pakhat arak si. Cu caah chungkhar kongah chungkhar ngeicia hna i Pathian upatnak, ṭuanvo tlinhnak, zohchunh awkṭha an langhternak hna cu Chungkhar kongkau ah teinak hmuhnak caah a bikin bawmtu asi timi cu lungawtom awk a um lo. Nupi hna nih dingfelnak thil-thuam kha tlaihchanh duhnungte in an i hruknak thawng in chungkhar ah huham iang a karhter.