St. Boniface, Bishop & Martyr

Germany ram i lamkaltu a simi Mithiang Boniface cu AD 673 kum ah England ram, Crediton khua ah a chuak. Kum nga a si lioah an inn ah a rak lengmi Zateik a cheu hna i an bia chimmi kha a ngaih hna hnu ah a nunnak kha Pathian sin pekchanh awkah bia aa khiah. Nursling i a ummi Benedict Zateik Sianginn ah a lut i, Sianginn director rian an pek. Ca chimhnak leiah amah i a thiamnak cu mi fimthiam tampi kha a tlaih khawh hna i, mah hna caah amah nih a min a thang ngaimi Latin Grammar cauk kha a rak ṭial. Siangbawi cannak a lak hnu ah Bible hrambunh in a ṭhanter mi Bible hrilhfiah phungchimnak hna kha ṭial hram aa thawk i a rak phawt hna.

AD 718 kum ahcun Pope Gregory nih ramdang ah thawngṭha chimnak nawl a rak pek. Khrihfa zumhnak a pom lomi hna i zumh palhnak kha zorter awkah Gudenbery tlang cung i a ummi Dobar i a thiangmi kuhthing kha a haupiak hna. Vancung i sual dantatnak kha a hngak mi hna cu an khuavang bawi hna nih anmah khuachia biakinn kha khamh khawhnak thazaang an ngeih lonak kha mitampi nih an lung a fiang i an rak cohlan hna. Cu caan thawkin mission rian cu hmaan tein a karhcho. Biakinn thar le Sister Sianginn hna kha ram chungah tampi a sak hna. Amah i a ṭuannak hna kha fehter dingah Pope Gregory III nih Boniface kha Mainz i Bishop caah Germany ram i Archbishop nganbik min a pek. Mithiang Boniface cu a thih lai kum chungah Netherland i Khrihfa zumhnak a pom lomi hna sinah Evangelist thawngṭha chimnak in a caan kha dihter dingah bia aa chah. AD 754 kum ahcun Dokoam i a thlam chungah dai tein thla a cam lioah zumlo tu hna i thahnak kha a hawile hna he an in. Mah zumhnak ca i a thimi hna (Martyrs) hna an vuinak hmun Fulda Zateik Sianginn ah Mithiang Boniface thahnak a in hlante ah a lu cung i thlir buin aa put mi cauk kha a thlah lo. Mah cauk cu namte hma ruangah hma a pumi Martyr pa pakhat i thidor nih a tlak i thi aa neh mi kha kan hmuh khawh.