Lawmhnak Lungthin Ngeih a Herh
Bible relding: Titus 3:1–7; Psalm 22:1–6; Luke 17:11–19
Nihin kan cathiang hna nih a biapi ngai mi 3 an langhter: Pathian dawtnak, tangdornak lungthin le lawmhnak a ngei mi lungthin hna an langhter.
- Kanmah thil ti khawhnak si loin, Pathian zaangfahnak thawngin a si.
Voi(1) Bible relnak ah Paul nih Titus sin a cakuat ah Pathian nih ṭhatnak kan tuah ruangah a kan khamh si loin, a kan zaangfah caah a si a ti. Pathian dawtnak kha kan thil ti khawhnak in thlen khawh a si lo. Amah nih zalong tein thlua a kan chuah ca tu ah a si deuh. Kannih hna zong mi dang hna cungah dawtnak, zaangfahnak kan le upat nak kan ngeih ve ding a si.
- Pathian ṭhatnak zeitik hmanh ah philh hlah.
Thawngṭhabia chungah Jesuh nih thinghmui zawtnak a ngei mi minung 10 hna a damter hna nak kong kan hmuh. A dang 9 hna nih cun an dam an theih ko nain Jesuh sin kir ṭhan in lawmhnak bia an chim lo. Samaritan mipa, miphun dang pa pakhat lawng Jesuh sin a kir ṭhan i lawmhnak bia a chimmi a si. Hi kong nih kan mah nunnak i zoh ṭhan ding le i check ṭhan cio dingin a kan sawm. Harnak kan ton caan ah zeitin dah Pathian sin ah thla kan cam tawn hna i harnak in kan luat hnu ah Pathian he pehtlaihnak, Pathian sin thlacam pehzulh in a ngei mi kan si peng kho hna maw?
A caan ah cun Pathian thluachuah lawng a duh mi kan si tawn hna i Amah Pathian he pehtlaihnak ṭha ngeih ding kan philh sual tawn.
- Lawmhnak bia chimnak nih Pathian he a kan neihter deuh tawn.
The Samaritan who returned to thank Jesus was not only physically healed but also received words of salvation: “Your faith has saved you.” His gratitude showed that he recognized Jesus not simply as someone who could heal him, but as the source of God’s mercy.
Samaritan mipa Jesuh sin kir ṭhan in lawmhnak bia a chim tikah cu pa nih cun pumsa damnak lawng a co si loin khamhnak bia tiangin pek chih a si. “Na zumhnak nih an khamh cang” tiah Jesuh nih a ti. Lawmhnak bia a chimnak nih a langhter mi cu Jesuh cu a kan damter tu a si timi lawng kha si loin, Pathian dawtnak le zaangfahnak a langhter tu a si timi kha mipa nih a cohlaan khawh caah a si.
Nihin biahal ding kan ngeih cio mi cu: damnak a hmu ṭhan mi 9 hna chungah aa tel ve mi maw kan si, asiloah, a dam aa hngalh ṭhan hnu ah a hung kir ṭhan i Jesuh sinah lawmhnak bia a chim kho ṭhan mi pa bantuk dah kan si?
Harsatnak kan ton caan lawng ah Pathian aa bochanmi le a thei mi bantuk si loin, kan si ṭhat caan zongah Pathian he pehtlaihnak ṭha a ngei kho zungzal tu, Pathian sin ah thla a cam zungzal tu kan si a herh ko.
Lunglawmhnak a ngei mi lungthin nih zeizong vialte cung Pathian kha a lawmh khawh bantukin Pathian a um kha a cohlaan ter khawh, thil hme te hmanh si ko sehlaw cu cungah cun lunglawmhnak a ngei kho.
Thazaang petu /- Fr. Fidelis Maung Sein