Fale hna nih Nule Pa cungah chiah dingmi Ṭuanvo

Nu le Pa hna cu Pathian Lamkaltu (Kuzale) an si. Fale hna bawmt zong an si caah nu le pa bia kha upatnak in ngaih ding asi. Nu le pa upat cu chan saunak asi. Exo (20:12) ah a chimmi cu, “Nan nu le nan pa kha upat hna u, cuti nan tuah ahcun, Bawipa nan Pathian nih an pekmi hna ram ah hin saupi nan um lai, ati i Eccle (3:2-12) zong ah nu le pa upatawk a forhfial mi kan hmuh.

Fale hna, khamah nan sinak hnga caah nu le pa biachahnak kha ngai u law tuah uh, Zeicahtiah pa cu fale nih upat pek ding ah Pathian nih aser mi asi. Nu biachahnak kha lak in Pale bia kha fale caah a fehter. A nu a upat i athangṭhat mi cu sui le ngun khon bantuk asi lai. Thla a cam tikah ka ngaih piak lai. Nu le Pa a upat i a thangṭhat mi cu an chan a sau lai. A pa bia angai mi cu a pa thinlung hnemhtu asi lai. Pathian aṭihmi cu nu le pa kha a upat i amah kha vawlei ah arak chuahter tu pa hna sinak in amah nih aherh baumi vialte a ṭuan piak lai. Na pa kha rian in siseh, hmurkaa in siseh, lungsaunak in siseh upat in thangṭhat  tuah. Cuti cun pa sin in laksawng na hal i na hal mi laksawng na nunnak donghtiang hmuhter ding ah asi. Pa nih thlacam piaknak cu fale hna Chungkhar peh kha a fekter.

Hi bible cangnih nu le pa upat le ngaihnak ruangah a santlaihnak a langhter. Nu le pa bia ngaih cu limhaang asiter.

“Ka fapa, na pa cawnpiaknak cu ngai law, na nu ṭhihruai nak cu hlaw hlah, zeicah tiah na lu caah aa dawhmi pangparṭhirual an si lai i, Na hngawng caah pumṭek an si lai” (Phungthlukbia 1:8-9).

Mithiang Paul zong nih nu le pa kha upat pek ding in fale hna nih ṭuanvo an ngeihnak kong a tanglei bangin a cawnpiak. “Ngakchia hna, nan nu le nan pa bia ngai hna u, cucu Khrihfa rian asi i a hmaanmi thil zong asi caah nan tuahawk asi. Na nu le na pa upat hna. Cuti na tuah ahcun na caah aṭha lai i ram chungah saupi na nung lai. (Effesa 6:1-4) tiah, biakamnak he pehtlaimi nawlbia panga asi, ati.