Major Gen. Tuang Za Khai

Amah cu 1927 July (1) ni ah Tedim peng Khuasak ah ramuk bawi Pu Khan Lian le Pi Lian Cin nih an hrin. A hmet lio te in an khua ah cacawn hram aa thawk. Cu hnu ah Tedim le Thuklai ah Tang 8, 9 tiang a kai.

1943 kum ah Japan ral a thawh ruang ah sianginn kai cu a ngol i Chin Youth Organization ah Tat-suhhmu in a lut. 1944-45 kum Laitlang in Japan raltuknak, raldohnak ah khan aa tel caah Mirang acozah nih Burma Star, 1939-45 Star, Victory medal hna an rak pek.

1946 kum ah ralkap rian cun aa phuak i, Yangon Cushing High School ah a kai tthan. 1948 – 49 kum ah Yangon University ah I.A tiang a kai. 1950 kum ah Maymyo DSA (ppfwuóokdvf) ah a kai. 1950 September thla ah Bokhat, 1951 kum ah Bohnih, 1953 kum ah Captain an pek.

1963 kum ah Bohmu, 1966 kum ah Lt. Col. rank in a dotdot in a rian an kaiter. Hitin a dotdot in rian an kaiter lio ah Intelligence Officer, Tatkhua ihmu, Tatzinhmu changtu rian hna a tuan.

1965 kum in Tatzinhmu, SAC. Chairman le Tatmahhmu changtu, Tainghmu changtu rian hna a tuan, 1973 kum ah Colonel rank ah a kai, 1980 kum ah Brigadier rank ah an kaiter i 1984 kum ah General Bochok rank an pek. Chin miphu chung ah amah lawng Tat-Bochok a hmu mi a si.

1976 kum ah Tatmahhmu a ttuan, 1979 kum ah Tainghmu a ttuan i, Taungoo ah an tthial. 1978-81 kum tiang Shan ram Phephun peng in Pyituh Hluttaw kusale a ttuan. 1981 kum thimnak zong ah siseh, 1985 kum thimnak zong ah siseh, Taungoo peng No. (1) in Pyituh Hluttaw kusale ah an thim tthan i 1988 September thla tiang a ttuan.

Ralkap lei Sitthawkchok rian a ttuan i 1985-88 kum tiang People’s Work Inspectorate Committee member a rak si. Ralkap acozah chan lio 1988 kum in Kawlram ralkap ttuan hlun Central Headquarter Secretary rian a ttuan. 30.3.89 Letter No. 023/0-1/SLORC nih a rak tuah mi Kawlmin hna auhnak caṭial ning a dik mi khawmtu phu jrefrmhtrnfrsm;ac;ta0:ta&;tom;rSefuefrf jyKpka&;tzGJ.?tzGJ.0if) zong a si.

1986 kum ah ralkap in pension a la, hi kum January thla ah Kawlram Tamadah bawi nih Naingangongi First Class le Roca an pek. Sithmuh Thankawng medal zong a hmuh.

Capt. Ngin Zam le Pi Khai Cin fanu Tual Dim (A) Daw Myint Khai he 1958 March 13 ni ah Biakinn ah kutsihnak an rak tuah. Yangon Siyin Baptist Church Committee zong ah saupi a cawlcaang. 1995 November (11) ah sertu Pathian sin ah a zungzal in aa din.