St. Hedwig, Religious

Mithiang St. Hedwig cu Croatia ram i khuapi uktu bawi fanu pakhat a si. Amah cu kum 1174, Germany ram Varia khua ah a chuak. Kum 12 a siah Silia ram Siangpahrang fapa he kutsih hnatlaknak an ngei. Amah cu rawlulhnak le sual ngaihchihnak in a nun a thianter i a vapa i Siangpahrang innah Biaknak leiah fakpiin aa zuam. Dap le hawhra cung lamh in a ke bakin Missa a kai tawn. Siangbawi pakhat nih a Shoe kedan pakhat kha hawhra dohnak caah danh dingin a rak pek. Kedan loin a kal peng rih ko kha a hmuh tikah kedan khoika na chiah tiah Siangbawipa nih cun a hal. St. Hedwig cu a kedan kha a zaktang ah a tenh buin, “Ka dedan cu hika ahhin ka chiah ko” tiah a rak leh.

            Mithiang Hedwig cu mi sifak hna, nuhmei hna le ngakṭah buangro hna kha a rak zohkhenh hna. Thinghmuimi hna le mizaw hna cah siizung tampi a rak sakpiak hna. Amah nih ahopaoh kha zaangfah hnemhnak tuah loin a kalter bal hna lo. Voikhat cu sifak nu pakhat kha “Vancung ah um kan pa …” thlacamnak kha zarh 10 chung rauh in a rak cawnpiak.

            Amah nih “Kan nunnak kha Pathian nih a ngeih (auk). Cucaah nannih cu Pathian duhnak kha nan al lai maw?” tiah a rak ti bal. Cuhnu ah Zarinis Zateih Sianginn ah a lut i kum 1243 ah a thi.