Theipi Kung le Thingkung dang hna zohin Khuacaan tuaktaannak

Luka 21:29-33 hi Jesuh nih a zultu hna sinah a voihnihnak rat ṭhannak a nai cang ti fianternak caah a chimmi bianabia a si. Jesuh nih theipi kung kha tahchunhnak ah a hman i, a bia a ngai mi hna kha caan donghnak a nai cang tiin a cawnpiak hna. Jesuh nih theipi kung le thingkung dang hna kha zoh hna uh a ti hna i an hnah an chuah tikah khuasik caan a nai cang ti kha nan hngalh khawh lai.

 Cu bantukin, Jesuh nih a chimmi thil hna an hung um kha na hmuh hna tikah Pathian Pennak a nai cang ti kha na hngalh khawh lai tiah a ti hna.  Jesuh nih a zultu hna kha a rat ṭhan lainak hmelchunhnak hna kha zoh in hmailei caah timhcia tein um dingin a chimh hna. Jesuh zultu a si mi hna nih cun vawlei nuamhnak kha si loin Pathian pennak tu kha biapi ah kan chiah awk a si.

Nihin ni caah kan relmi Thawngṭhabia chungah hmanmi bianabia hi Christmas caan le Jesuh a voihnihnak a rat ṭhan lai nak caah timhtuahnak caan a simi Advent caan he zong aa pehtlai.

Pathian bia, a biakamnak le a dawtnak hna cu kan sin ah a um zungzal ko lai. Pathian bia ah (Jesuh cawnpiaknak ah) hrambunh in kan nun, thla kan cam a si ahcun thihnak in thawhter ṭhan kan si tik ah kan Thlarau caah himnak, zungzal nunnuamhnak caah aamahkhaannak a kan pek khawh.