Nepal ram tilian ruangah nunnak liammi le hartongmi kong ah Pope nih a ngaihchiatnak a langhter

Nepal ram ah ruahlopi in ti a lianh ruangah nunnak a liammi, hiamtuarmi le innlo rawkralmi kongah Pope nih a ngaihchiatnak a langhternak ca a kuat hna tiah theih asi. Cu cakuat cu niza, (cawn nili ni) ah Secretary of State asi mi Cardinal Pietro Parolin nih min a thut i tilian ral in nunnak a liammi an thlarau cu Pathian sin ah pekchanhnak le an chungkhar hna le ngaihchia ai hraam mi vialte an ngaihchiatnak ai hrawm ve nak ca a kuat hna. Tilian hartong mi hna le emergency responese bawmchan chanhchuah rian`uantu vialte hna caah thla a campiak hna tiah a langhter.

Kan hnu cawnithum ni (29-8-2026) ah, Nepal ram, Rasuwa peng, Bhote Koshi tiva cu ruahlopi in ti a lian ciammaam i minung 359 leng nunnak a liam pin ah 1,500 hrawng an tlau tiah theih asi. A rawkmi thilri le inn le hlei tang hna ah mithi ruak hmuh le char a si rih caah nunnak liammi hi atu nak tam deuh an karh chin lai tiah bawmchantu (rescue team) nih an chim. Nepal ram he innpa asi mi Tibet zong ah minung thong leng a tlau mi an si tiah kan theih. Hi tilianhnak a ruang cu Himalayas tlang in horha tlang (ice) a minh ruang ah asi kho men tiah thiamsang hna nih an chim. Cu tilian nih a den mi hna khua tampi an rawk an tlau i ramdang mi hna zong thi le hliam tuarmi an um ve tiah an chim. Chanhchuahtu (rescue team) hna nih nihin tiang pehzulh in michanhchuah awk le a thi mi ruak kawl cu an `uan rih i a rawkralmi a fahtuk caah electricity a rawk, hliahma a pu mi hna le umnak ngei lo mi hna caah sii le ei din bawmhchanh awk a herh ngai tiah an thanh. Lam vialte a rawh ruang ah le tlang le horkuang a min( a cimh) ding phan a um caah bawmchantu (rescue team) hna caah thinphang le dawnkhaantu harnak nganpi a um tiah theih si.