Pope Leo nih Uruguay, Argentina le Peru ram a tlawn hna lai

Pope Leo cu a ra laimi November 6 in 17 tiang Uruguay, Argentina le Peru ram hna ah Lamkaltu Khualtlawnnak hram a thawk cang lai tiah Vatican Thawngzamhnak Zung nih a thanh. November ni 6 in 8 tiang Montevideo, Paysandú le Florida ah a caam lai i November 8 in 11 tiang Buenos Aires, Córdoba le Luján hna ah a caam lai i, 11 in 17 tiang  Lima, Chiclayo, Cusco le Pucallpa hna ah a tlawng lai tiah theih asi.

 Uruguay cu Catholic milu 36% lawng an um i Latin America ram pumpi ah Catholic a tlawm biknak ram a si. Argentina cu Pope Leo hlan deuh ah Pope a rak si mi Pope Francis (tleicia) a chuahsemnak ram asi i amah Pope Francis nih kum 12 Pope a ṭuan chung ah a rak tlawng manh lo. Peru cu Pope Leo caah a mah a chuahsemnak ram bantuk in a rak umnak a si i 1980s ah a rak phan cuka ah bishop dirhmun in kum saupi rian a ṭuan  i rammi sinak zong a hmuh. Ni hleikhat chung Lamkaltu khualtlawnnak Pope nih khuapi pahra a tlawn lai i Latin America ram a khualtlawnnak hi a voi ruknak ramkip khualtlawnnak a si lai tiah thawng kan theih.