St. Laurence of Brindisi, Priest & Doctor
Audio (aw) zongin ngai khawh a si. 👇👇
Capuchin Zateik hna chungin a laar bik mi phungchim Siangbawi Mithiang Laurence cu Italy ram, Brindisi khua ah 1559 kum ah a chuak. Kum 16 a ti ah Benona i a ummi Capuchin Franciscan Sianginn ah a lut i a min zong kha Sizarel khua in Laurence tiah a thlen. Padua University ah philosophy le Bible lei fimnak a cawn lioah holh phunkip le Bible lei fimnak ah a thiamnak kha khuaruahhar awk in a langhter. Siangbawi cannak a lak hnu ah ‘a á¹hawngmi phungchimtu’ tiah Europe ah a min a lang. Amah cu Bible fimnak lei cauk hna kha a á¹ial hlei ah Judah miphun hna an lung an i thlen khawhnak tiangin a tuah khotu a si. 1598 kum ah Pope Clement VIII nih Mithiang Laurence kha lih le hrokhrolnak kha khamh khawhnak ding ruahchannak in Germany ah Capuchin Zateik Sianginn a onter. Amah thianhlimnak ruangah Hungary ram a á¹hihphaih tu Turkey ralkap hna kha tuk awkah Empire pahnihnak Kudoff nih a thlahmi hna kha a zohtu Siangbawi ah an pek. 1601 kum ah a chuakmi Zakefezeva ral hlan deuh ah ral hna i cheuli cheukhat lawng a simi Khrihfa hna kha á¹hanghnak bia a rak chimh hna. Cu hnu ah amah hrimhrim nih Vailamtung kha a put i an hmai in rang aa cit i a hruai hna. Turk miphun an sung i Europe ram chung dihlak ralkut in an luat dih. 1602 kum ah an tuahmi an bu meeting ah amah kha Capuchin lu tlaitu ah an thim. Amah cu a á¹uanvo kha heh tiah thazaang chuah in dawtnak le siaherhnak lungthin he a á¹uan. Amah cu lamkaltu rian kha lungsau te le fakpi in a á¹uan buin thlacam mi hna fimthiamnak hna kha thukpi in a cawng chihmi pakhat a si. Amah cu 1619 kum ah Carselta khua ah a thi.