Innchungkhar Kong
VAPA ṬUANVO TUAH AWK HNA.
(a) Va le nih abiapibik ṭuanvo cu mahnih lehthah mi nu pi kha dawt le zawnruah ding asi. Nu tampi hna lakin mah nih tlaihchan caah rakthim i lehtlahmi nupi kha zaangfah zawnrauh awk asi. Lehthah lio i rak chiah (tuah) mi biakamnak hna kha patling sinak in thih tiang kilven awk asi. Vale cheukhat hna cu nupi cungah puarngai in tuah asi hmanh kan dawt ko hna ti kha nupi le nih an theih awk asi, tiah an ruah. Annih nihcun nupi kha zeiban tuk kan chimh, kan velh zongah an kan ngaithiam ding asi, tiah anti tawn. Hi ruahnak le tuahserning hna cu nupi le thinlung afahter mi tuah to nak asi.
Minung thinlung cu anemtuk caah father le hliam afawitukmi asi. Tun Andra Bo ahla pakhat ah, “Minung timi cu athinlung lungtum pi asi lo, athih tiang akalpi dingmi fahnak (hma) umter hlah” atimi ka vun i theih ṭhan.
Nupi kip nih hin Vale nih zaangfah zawnruahnak te in an komhmi kha an uar dih. Kum zabu (19), Caṭialthiam minthang Thomas Carline cu a nupi cungah zaangfah dawtnak arak langhter, tiah an ti. Pulrin lo pi in a nupi arak thih tikah a ngaih a chiatuk hringhran i hngilh khawh lo le lung mah lo in caan saupi arak um. Zan ah hin mihrut bantukin hmuilakah atanglei bangin arak au i bia arak chimbal, tiah kan theih. “Bianaah Keimah nih ka nupi kha voikhatte ton ṭhan ninglaw kan dawt ko ti kha chimh kha duh e,” a ti, ti asi, Sihmanhseh law athi cangmi anupi kha hi Vawlei ah hmuhṭhannak caan aum kho tilo.
Cucaah nule va hna cu annun lio ah zaangfah zawnruah dawtnak kha khat le khat hmuhsak nak in a nuammi nu va hna an sikhawh lai.
“Na dawtmi cu na caah zeizongte asi. Nang zong a caah zeizongte na si ve. “Kehlei na baan ka tlinhtawn rih law, Hei ka kup na orhlei kut in” (Solomon hla 2:6). Abiapi mi biachahnak hna ah nupi ruahnak zong hal awk asi.
Nupi he ceihkhang ding asi. Vapa nih biapi ngai in ruahnak halmi kha nupi le cu an lungsi ngai. An i lawm ngai ṭheo.
Nu pi ṭha hna kha ruahnak hal lo ruangah le anmah pekmi ruahnak cohlan lo ruangah vale tampi cu palhnak he an hmaitonh ṭheo. Nu pi ṭha hna bia kha biapi ah chiah lo caah palhnak a tongmi vale hna thilsining hna cu zoh a chia ngaingai. Pilat bawipa nih sualnak ngeilo, Bawipa Jesuh kha bia arak ceih piak lio ah anupi nih sualnak in athiangmi pa cungah hin pakhat hmanh tuah hlah, tiah bawi kha ralrin arak pek. (Mt 27:19). Sihmanhsehlaw Pilat bawi cu anupi bia kha zeirel loin, ahnu bik ahcun Bawipa Jesuh kha vailam cung that awk ah Tlang Bawi Ngan hna kutcungah arak chanh hna (Jn 19:16). Cucaah Pilat cu ṭuanbia i miṭhalo cazin ah a lut ve.
Nupi kip nih an lungder caan,an dam lo lio caan, an thabat lungretheih caan ah vapa i zaangfahnak awnem tangah i dor an duh. Vapa nih amah kha nunnak he artlang in zohkhenh piak awk zong an bochanhmi asi kha Vapa nih philhding asi lo. Nupi hna nih bochannak le zumhnak kha hrawh sual lo awk zong vapa nih iralring ahau. Tangka kawlpiak lawngsilo in zaangfah dawtnak zongpek ahau rih.
Mahle nupi kha upat tlaihchan te he komhnak thawngin nupi i a thukmi dawtnak kha hmuhkhawh deuh asi, tiah an ti. Chungah zaangfah dawtnak kha sianngai in a langhter bangin pawngkam i a ummi minung hna cungah zong siannak zawnruahnak he dawtnak cu pawngkam i hlawt a ing mi sifak hna caah thluachuah tampi phorhpiaktu asi. Pa dirhmun ah a ummi vapa cu biatak Pathian aa tlaih peng i miding a si l