St. Peter Canisius (1521-1597) Siangbawi & Bible Thiamsang

Audio (aw) zong in ngai khawh a si. 👇👇

Catholic Bupi ca lei ṭhanah i lamkaltu St. Peter Canisius cu 1521kum, Holland ram, Nijnegen khua ah a chuak. A pa lungtlinnak caah a pa duh ningin The University of Louvain ah upadi fimnak tlawmpal a rak cawng. Asinain kawh-auhnak (lungṭhawnnak rian) a si lo kha kuttongh in a rak hngalhtheih i ngakchia thiang lam biakamnak (i ṭhi-um loin umnak) kha a laak. Biaknak lei fimnak cawn awkah Cologne ah kal. St. Ignatius hnuzul pakhat a simi Peter Faber nih rawl ulh thlacamnak pakhat ah rawl ulh thlacam in phung a chim kha a ngaih buin hmakhatte ah Society of Jesus bu ah luh dingin a lung aa thlek colh. Siangbawi cannak a laak hnu ah phungchim thiamnak in a min a rak thang. St. Ignatius nih amah kha, “Zei thil poah ah timhlamhnak tling he ṭuan awkah timhcia a simi, zohchunhawk mithianghlim pakhat” tiah a fehter. St. Peter Canisius cu Rome in Germany ah an thlah i Germany ram Khrihfabu a ralchanh mi ruahnak upadi hna kha lehrulh in a hrawk hna hnu ah mipi karlak ah mithiang cannak kha a hlan bantuk phakṭhan dingin a rak tuah.

1552 kum ah Canisius cu Catholic Bupi zumhnak upadi kha ram milu 90% nih an hlawtnak Vienna ah an thlahṭhan hoi. Siangbawi inn tampi zong umnak ṭhalo tiangin a rawk cang i kum 20 tiang Siangbawi cannak pakhat hmanh an rak hmu lo. Peter Canisius nihcun zaangfah zawnruahnak rianṭuannak in Vietnam miphun hna lung thlen dingin a rak tuah khawh. Mizaw hna kha a thlopbul hna i thong tla mi hna sinah a va leeng hna i thangzaang a pek hna i a hnemh hna. Cu lengah sifak santlailo hna zong kha a bawmh hna i a zohkhenh hna. Mipi pehtlaihnak a biapit zia zongah theihfian i a ṭhabik a ti khawhnak a simi Catholic Bupi ca lei hmun kha a serpiak hna. Amah a nun lio bakah a ṭialmi biaknak lei zumhnak cauk cu voi 200 tiang an rak nam i an rak chuah. Holh phun 15 tiang a rak leh. Cu bantuk teinak, minthannak hna kha a hmu nain a nunnak lamthluan ah toidornak khat he nawl kha tangdor tein a ngaih. Cu bangin minthannak kha zei a rel mi a si lo i Vietnam Bishop ah an rak thimnak le a bu ah hruaitu upa sinak an rak thim zongah a rak duh lo. St. Peter Canisius cu 1591 kum, Fribourg ah a rak thi.