5 December- Friday

Audio 🎧👇

Matt 9:27-31

Mitcaw Pahnih Damternak

San Francisco General Hospital ah hlathlainak an tuahmi ah lung zawtnak, thin zawtnak le a dangdang lung zawtnak a ngeimi hna cu thlacamnak ah philh an si lomi cu philh an simi hna nakin an dam deuh tiah an hmuh. Lungthin lei sibawi Randy Byrd nih mizaw 192 cu “thlacammi” phu ah a chiah hna i mizaw 201 cu “thlacam lomi” phu ah a chiah hna. Mizaw vialte cu lungthin lei zohkhenhnak siizung ah an um. Mizaw, sibawi le nurse hna nih mizaw hna cu zei phu dah an si ti an hngal lo. Thlacamnak phu chungtel hna cu ram pumpi ah an i ṭhek i mizaw hna min, zawtnak thlopnak le an zawtnak kong lawng an chimh hna. Hlathlaitu nih a hmuhmi cu khuaruahhar a si tiah a ti. Thlacam piakmi phu nih cun philh an simi phu nakin hnok cencunnak an tlawm deuh ngaingai. Cun ahmasa chungtel pawl cu tlawm deuh an thi. Ahnu deuh phu cu antibiotics a herhmi zawtnak ngeih khawhnak a let nga in a tam deuh i lung zawtnak ngeih khawhnak a let thum in a tam deuh, cu nih cun lung rianṭuan khawh lonak a chuahter. Hi hmuhmi hna cu American Lungthin Bu ah an chuah.

Nihin i thawngṭha hmuhnak cu aa dang, khuaruahhar le hnihchuak ngai a si. Mitcaw pahnih nih Khrih an dawi kha na mitthlam ah cuanter hmanh. Cun Jesuh nih a zamter hna! Lamkam ah an tlu, an ril i an i hliam hrimhrim ko lai. Lunghrin awk um loin tlawmpal an thin a phang ko lai nain damnak hmuh an duhnak le Khrih an zumhnak cu taksa, thinlung le lunglei harnak vialte nakin a ngan deuh. Bawipa cu Inn pakhat a luh tik lawngah, amah kha a donghnak ah an hren khawh i an thlacam halnak kha a leh khawh. Mah cu khuaruahhar ngai a si, zeicahtiah a tlangpi in Jesuh cu mi damter a duhtuk hna nain hi thawngṭha hmanthlak ah hin, hi mitcaw pahnih hna i an halmi pek awkah a harter hna. Zeicahdah a si?

Hihi Pathian nih kanmah thlacamnak leh awkah a caan ah a tlai caah a si kho men. A caan ahcun, kan duhnak cu a thuk lo i Pathian nih cu hna a thuk deuhnak hnga caan tam deuh a kan pek. Sihmanhsehlaw, Pathian nih kan thlacamnak leh a duh caan a um, asinain kanmah tuahsernak le lungput nih a kan kham, zeicahtiah Amah pumpak sining thianghlim le dawtnak fimnak he aa tlakmi lawng a tuah lai.

Dawtmi ulenau hna, cu dawnkhantu cheukhat cu a tanglei ah an langhter:

Lungthin chungah sualnak: “Ka lung chungah ṭhatlonak kha ka ruah ahcun Bawipa nih a ka ngaihpiak lai lo”

Ngaihthiam khawh lomi lungput: “Thlacam awkah nan dir tikah, nan cungah lungfahnak a ngeimi paoh kha ngaithiam hna u….” (Marka 11:25).

Taksa tinhmi: “Nan hal ko nain nan hmu lo, zeicahtiah nan halmi cu a palh i nan halmi cu nan pumsa duhnak caah hman kha a si,” (Jeim 4:3).

Mah zawn lawng aa ruatmi chungkhar pehtlaihnak: “Nannih vale zong nih, nan nupi le kha hngalhthiamnak he nan umṭi awk a si i a der deuhmi nu pawl kha upat hna u.

Zumh lonak: “Sihmanhsehlaw lunghrinhnak um loin zumhnak he a hal awk a si….Zeicahtiah cu pa nih cun Bawipa sinin zeihmanh ka hmuh lai tiah a ruat awk a si lo,” (Jeim 1:6, 7).

Cun cucaah, kan duhnak le kan thinlung zong kauhter hna u sih, cucu Mithiang Paul nih a chimmi cu: “Pathian nih kan halmi le kan ruahmi vialte nakin a tam deuh in a tuah khawh,” (Eph 3:20) tiah a ti.