Mithiang Alphonsus Liguari
Monday, August 01, 2022
St. Alphonsus cu Ridemptoris phu a thawktu a si. Italy ram Naples khua pawngah 1696 kum ah a chuak. Cu khua i Sianginn ṭhabikah ca a cawng i kum 16 a ti ah upadi lei degree a lak. 1722 kum ahcun a nunnak caah harnak le sunghnak a tong i, harsatnak fakpi a in. cu lengah “Vawleipi kha kaltaklaw ka hnu ka zul” timi a lungchung ah auhnak kha a theih. 1726 kum ah Siangbawi cannak a hmu i Alphonsus cu fiangtein a chimkhawhnak le hmantein phung a chim khawhnak ruangah a min a thang. Amah nih “phungngaitu chungin a lodorbiknu pakhat hmanh nih a thei kho lo ding mi phung ka chim bal lo,” tiah a ti. Zulh a har ngai mi zatlang zulhphung kha a dirkamh mi a palh mi zumhnak pakhat a si.
Jansenism zong kha ralṭha ngai in a doh, “Sual tuah mi hna kha dantat nak an pek bantuk si loin thlarau hna khamh bantukin sual a ngaichih mi hna kha komh awk asi,” tiah a aupi. Amah cu sual a ngaichih mi pakhatkhat kha zeitikhmanh ah sualthlah piaklo in a um bal lo. 1732 kum ah mithiang Alphonsus cu a thianghlim bik mi khamhnak bu (Ridamtoris) kha khua chungle khuate hna ah fakpiin phungchimnak he a dirh. St. Alphonsus cu ziaza lei Bible fimthiam tiah a min a thang i a ṭhabik a hriamnam a simi “The Moral Theology (1748)” cu Pope pa i theih hngalhpinak kha a hmu.
1756 kum ah St. Agatha khua i Bishop an pek. Cu hnuah mipi (layman) le Siangbawi hna remhṭhannak rian kha a thawk. Missa an tuah tikah minit 15 hmanh a rau lo mi Siangbawi hna kha an rian in chitkhat a dinter hna i a rangleng le Bishop a cannak kutdonghrolh kha a zuar i mi sifak hna kha a pek hna. A nunnak a dongh lai kum lei ahcun fakpiin zawtfahnak le a hawi Siangbawi hna hmanhnih ṭha lo tein hremnak kha a in. Cuhna nih cun a mah nih a dirh mi bu chungin an ṭhawl. A thianghlimnak can ah Pathian nih a khunhpek mi tukforhnak vialte kha a in dih hnuah 1787 kum ah a thi.