October 6, 2025, Monday

Bible📖 Luka 10:25-37

Samaria Miṭha Bianabia

Dawtmi ulenau hna, Tlangbawi pakhat nih a phungchimnak ah rawl chumh na duh ahcun, rawl cu a thaw deuh tiah a ti. Phundang in chim ahcun, nuamhnak nunnak ah aa telmi thil pakhat cu dawtnak a si.

Nihin thawngṭha ah phungbia lei mifim mino nih Jesuh sinah hi biahalnak a tuahmi kan theih: “Ka innpa cu ahodah a si?” Mi cheukhat nih cun a biahalnak kha a ṭhalomi lam in kan zoh, mino mifim nih amah le amah ahmaan tiah a halmi asiloah Jesuh nih “a tei” lonak ding caah a si kho men.

“Ka innpa cu ahodah a si?” Jesuh chan ah ‘innpa’ timi biafang kha tlawmte lawng a hngalthiammi phu an rak um. Tahchunhnak ah, Qumran khua Essenes pawl nih an member thar hna kha ceunak fapa dawt ding le muihnak fapa huat dingin chiatserh dingin an fial hna. Annih caah cun, an innpa cu anmah bantuk biaknak zumhnak aa hrawmmi kha a si.

A dang phu pakhat cu Zealot pawl an si i, innpa timi cu anmah he miphun le miphun aa khatmi lawng aa tel tiah an hngalhthiam. Judahmi sawhsawh nih Samaria mi kha innpa ah an ruat bal lai lo. Annih cu lenglei mi an si i innpa dawtnak nih a huap hna lo an ti.

Tlangbawi pakhat nih a phungchimnak ah, Jesuh nih innpa dawtnak a cawnpiaknak ah ‘thil thar cu minung vialte hi innpa nganpi pakhat kan si tiah a chimmi hi’ a si tiah a ti. Cuticun “kanmah” le “anmah” karlak ah minung nih an dirhmi thleidannak vampang le i dannak le lunghrinhnak ramri kha a hrawh. Hi kong hi inn ah ratpi awkah Samaria miṭha tuanbia kha Jesuh nih a chim. Samaria mi a si caah Judah mi hna nih ral pakhatnak ah an ruahmi, hi pa hi a donghnak ah harnak a tongmi Judah pa caah innpa a si ti a langhtertu a si. Cucaah “Ahodah ka innpa a si” timi biahalnak ah Jesuh nih a lehmi cu: Aho paoh le ahohmanh thleidannak um loin ti a si.

Tlangbawi le Levi mi nih cun, Samaria mipa kha an lanhtak i zeihmanh an tuah lo caah cohlan awk tlak lo lungput an ngei. A ngaingai ti ahcun, mipa kha an tawngh lonak thawngin upadi leiin cun an hmaan, zeicahtiah cu nih cun phunglam ningin a thurhnawmhter hna lai, ahleiin Biakinn ah biak awkah an kal lio ah a si. Cun Judah phungning ahcun, mithi ruak an tawngh ahcun, thianhnak phunglam an tuah a hau i cutin tuah awkah caan a za lo. Tlangbawipa cu pumhnak ah i tel dingin timhtuahnak a ngeih ahcun, tlangbawi pakhat sinah thlacamnak in a tlami caanṭha, phunglam thurhnawmhnak hrial khawhnak ding caah a tuah khawhmi paoh a tuah lai i mah hi a nunchung ah a caanṭha pakhat lawng a si kho men. A sungh sual lai ti a phang lai lo i cucu theihthiam khawhmi thil sining a si. Sihmanhsehlaw, cu minung i a herhnak taktak an hmu lo i mitcaw bantukin nawlbia kha an zulh. Nawlbia cu mi pakhat i tuahsernak lamhruai awkah ṭialmi a si nain midang cungah dawtnak langhternak lawng ah aa hngat awk a si lo. Midang cungah kan dawtnak cu Pathian dawtnak tluk in a kau awk a si i cucu ahleiin a um lo. Cucaah Jesuh nih mi pakhatkhat nih ngol a hau i hnemhnak le bawmhnak a pek hna i mi vialte le ahohmanh hrial an si awk a si lo tiah a ti. 

Dawtmi ulenau hna, a donghnak ah Jesuh nih phungbia thiam mino sinah a chimmi kha ngai hna u sih law tuah ve hna u sih: “va kal law cuticun va tuah ve” ti a si.