October 3, 2025- Friday

Audio 🎧👇

Bible📖 Baruch 1:15-22; Luke 10:13-16

Ngaihchihnak a ngei lomi khua hna cungah soiselnak

Voikhat cu Protestant pastor pakhat nih ngakchia pawl sinah bia a chim. A biachim hramthawknak ah hitin biahalnak a tuah: “Ngaihchihnak timi biafang nih zeidah a chim duhmi a si?” Ngakchia pate nih a kut a hler. “A ṭha,” tiah minister nih a ti, “zeidah a si, ka fapa?” a ti. “Na sualnak ruangah ngaihchih,” tiah aphi a pek.

Hnulei ṭhutdan ah a ummi ngakchia nute nih a kut a hler ve. “A ṭha, ka fanu hmete, zeitindah na ruah?” a ti- Ka ruatmi cu “ngol awk tlukin ngaihchihnak ngeih a si” tiah ngakchia nute nih a leh.

Dawtmi unau hna, mi nih kan palh ti cohlan cu a harngai. An palhnak ah ahmaan tiah an i zuam. Nihin i thawngṭha bantukin, Jesuh cu Chorazin, Bethsaida le Kapernaum cungah a lung a fak, zeicahtiah hi zatlangbu pathum hna hi Pathian tlawnnak in thluachuah an hmu. Pathian velngeihnak leiin: phungchimnak le Jesuh i khuaruahhar thil tuahnak hna tamdeuh an hmuh. Asinain an hmuhmi vel ruangah thei an tlai lo. An i thleng lo. Remhnak tuah an duh lo. An i ngaihchih duh lo. Cucaah Jesuh nih Tair le Sidon nakin fakdeuh in biaceih an si lai tiah a chimchung, zeicahtiah Tair le Sidon (Yahweh ka zumlo tiah aa ti lomi biaknak dang khua hna) nih cubantuk vel an hmuh ahcun, “annih cu an i ngaichih cang lai,” (v. 13) tiah a ti. Cun ralrinnak a pek ko hna nain, an ngai duh lo.

Dawtmi unau hna, ngaihchih timi cu i mer i kirṭhan tinak a si. Biakam Thar ahcun sual ngaihchihnak timi cu sualnak kaltak tinak a si. Pathian nih sualnak kaltak dingin a kawhmi kan si. A ngaingai ti ahcun, hmunkip i a ummi pa/nu vialte hi Pathian nih sual ngaihchih dingin a kan fialmi kan si (Lamkaltu 17:30). A ngaingai ti ahcun sual ngaihchihnak ah a herhmi thil pahnih a um. Cuhna cu: “ṭhatlonak hrial i ṭhatnak lei i mer ti a si. Theology leiin cun Pathian sinah kirṭhannak le ṭhatlonak hrialnak ruahnak a si.

Kan i ngaihchih awk a simi thil hna cu zeidah an si? Hihna hi Fr. Jerry sinin ka hmuh hna. Jerry Orbos, SVD nih a cauk pakhat ah a ṭial. Kan i ngaihchih dingmi thil cheukhat cu a tanglei bantukin ka chap chih:

1) Kan sualnak hlawtnak: ruahnak cheuhnak, alibis (thil ṭhalo pakhatkhat  asiloah hlawhtlin lonak caah a ruang chim in nalh), rianṭuannak hrialnak a ruang chim in nalh, hmeilei caan ah i ṭhawnnak, atu kan ton dingmi thil ahnulei ah chiahnak hna an si. Hi ruahnak he pehtlaiin, tlangbawi pakhat le a Khrihfabu chungtel tarpa pakhat kong hi ka rel. Khuasik caan nikhat cu biakinn in innlei an kal lio ah tarpa cu a tlu i a keng in a tla. Fatherpa nih caan tawite chung a zoh i a hliam lo ti a zumh caah, “Ka hawi, misual pawl cu an naalnak hmunin an tho,” tiah a ti. Tarpa nih a hun zoh i: “An tuah ko ti ka hmuh, asinain ka tuah kho lo,” tiah a ti.

2) “A kikmi nuamhnak.” Hi hna hi leh a thah rih lomi muidawh nu hna an si. Kannih cheukhat pawl cu: lenglei in aa dawh nain a dai, a lawng, nunnak a ngeilo, dawtnak a ngeilo, a chung a kha i a thin a hung.

3) Nunnak a kalhter. Na kalnak nunnak ah Na nunnak, nunning le pehtlaihnak hna kha kalhter hlah. A sawhsawh cu aa dawh, a si lo maw? Hi lungput hi na lungthin ah chiah in na nunnak kha a sawhsawh le daihnak in ser: a.) a luan ciami caan caah lawmhnak – na hlan thil sining ah a ṭhami le a chiami zeizong vialte le mi vialte cungah i lawm, b.) hmailei ah i bochan – na timhmi le na lungretheihnak vialte kha Pathian sinah ap khawh i zuam, c). Atu lioah dawtnak – atu ah na sikhawh chungin tuah law a luan ciami caan kongah ngaihchihnak le hmailei kongah lungretheihnak na ngei ti lai lo.

4) Dawtnak tlinglo caah. Hmunhnak le tuahnak i aruang cu, dawtnak tel loin kannih cu kan lawng i zeihmanh kan si lo caah a si.

Vancung Pennak a naicang caah i ngaichih hna usih (Mt. 3:2).

Dawtmi ulenau hna, a donghnak ah Josh Billings sinin a rami hi bia hna hi ruat hna u sih. Hitin a ti: “Kan tuahcang mi sualnak i ngaihchih ding nakin, tuahdinng kan timhmi sualnak i ngaihchih kha a fawi deuh.”