POPE FRANCIS BIACAH
POPE FRANCIS BIACAH
Keimah nih 2021-kum ah ka rak thawkmi “Hmunkhat tein khualtlawnnak” zulhawk lamthluan ah kannih cu Thiang Thlarau nih Diocese pakhat cio kha a rak kan chimhmi bia awthawng hna kha kan rak ngaih.
Bishop pawl i voi (16) nak a phunphun punghman Biak Tonpumhnak i a donghnak thanhmi ah Pathian fale hna sinin awthawng kha ngaih i Tlangbawi hna i zohfel cikcek i tuahtannak chungin a rak chuakmi theipar hna kha khawmh in ka langhter. Bupi dihlak cu Thiang Thlarau Pathian ceunak vel kha cohlan hnuah kanmah hmuhtonnak kha zohfel in Jesuh Khrih nih Bupi cungah a rak pektakmi mission rian hna ah i tel, cawihler deuh in rianṭuan i lungnget tein um cio dingah a herhmi zulhawk lam hna kha chiah a si lai. Umnak hmun chung Parish hna ah rak thawkmi “Hmunkhat tein khualtlawnnak” zulh awk lam cu ram pumpi dot, cu in Vawleicung leiṭhen ngan hna dot ah kutchanh in rak phawrh cio a si i a hnubik ahcun October 2023 ah voikhat, October 2024 ah voikhat, ṭhenhnih ah ṭhen i voihnih khengte rak tuahmi Bishop hna i biak tonpumhnak tiang a rak phan cang a si. Cu Bishop hna i tonpumhnak nih October (26) ni ah mee thlak in an hnatlakpi mi dihternak thanhmi kha biapi ah chiah in atu ah hi ṭuanawk rian kha umnak hmun chung i Parish phu hna le cu hna chung i a ummi a bu (phu) hna nih pehzulh in an ṭuanchuah cio lai a si. Keimah pumpak zong “a dihlak lungkhat tein aa telmi” hi biak tonpumhnak nganpi ahhin kaa tel lai i Pathian miphun tiah timi Khrihfa tuurun hna i awthawng kha a cerh/ a langhtermi cu a dihtermi thanhnak kha fehter in min ka thut hnuah khakha mi vialte theihter dingah phawtzamh cio ding tiah a rak chim.
Atu pehzulh in rian kan ṭuanmi hmunkhat tein khualtlawnnak zulhawk lam i a thlum-alnak kha hleice hngalh buin biak tonpumhnak i dihternak thanhmi ah aa telmi a dihlak kha Bupi dihlak sinah keimah nih kan pek (hluai) ṭhan hna. Cu konglam hna cu hi kum (3) a rauh caan chungah nawl ngaihnak, zohfel cikceknak hna in a ra chuakmi hna a si i Khrihfabu (Bupi) i nunnak lamthluan le mission rianṭuannak caah lam hmuhsaknak zong a si.
Khahlan kum hna chungah thinlung bun hi ngaihnak le hmuhfiang ngaiin rian rak ṭuanmi a hnubik hmuhmi a konglam hna cu Bawi Khrih nih a kan pektakmi ṭuanvo hna kha a let tampi in ṭuan khawhnak caah lam hmuhsaknak a pek khawh te lai.
Hi konglam hna cu St. Peter sinin a rak thawkmi cawnpiaknak nawl, Nawl ngeihnak i a cheuchum pakhat a si i keimah pumpak zong nih ka don i ka cohlan. Cu konglam hna cu Pope pakhat nih hmuhnak thar he zeitin dah a cawnpiak khawh timi kha fiang tein a hmuhter bantukin October (17), 2015 kum lio i keimah ka rak chimmi hmunkhat tein pehkomh rianṭuannak timi cu Bupi i hruaitu hna nih, zeitin dah timhtuah in an uk ti kha a hngalhter timi bia he zong aa rup tein a um lio a si.
October thla (26) ni ah atu a konglam hna kha ka rak fehter lioah hi konglam hna cu… A renghmi sikaan phungphai a silonak le hi konglam hna kan hmannak zongah aa rup tein si dingah cuaithlai chunh dingmi hna a rak chuak khawhnak kong” kha voikhat tein ka rak cahchih cangmi a si. Sihmanhsehlaw aa pehtlaimi Khrihfabu (Bupi) vasi ahcun, cu konglam hna chungin mah duhnak ningin i thim in hman dingah nawl ngeihnak aana kan pekmi hna a si lo. Umnak hmun chung Biakinn hna le Bupi chung i a ummi a phu (အုပ်စု) hna cu annih i tulio nunnak an ngeihmi cungah hrambunh in chiahmi upadi hna ningin hngalhfiannak he biachahnak tuahnak hna kha ṭha tein hngalhter dingah a si. Keimah i a donghnak biakchawnhnak bia zongah… “Bupi dihlak in telter khawh ding tlukin biachahnak phun tuah khawhnak ding tuah cun a caan lak awk a herh rih: tiah ka rak chim. Cu a si caah konglam (10) kha zohfel cikcek khawhnak ding caah a phu (10) kha kan pek cang hna i, a herh ahcun betchap khawhnak nawl (tinvo) zong a um. Hi Bishop hna i biak tonpumhnak nganpi a va dih hmanhah kannih a hram kan rak i ruahchanmi biak tonpumhnak nganpi i a tinnak cu dih donghter a si te lai lo.