Ṭhihphaihnak
Fundamentalism
Pope Francis nih Albania ram (September 21-2014) kum ah a va tlawnlio ah ṭhihphaihnak kha a rak soisel. Amah nih “Ṭhihphaihnak le sersat tlaihkhipnak hna tuah ko ṭung i mah pumpak kha Pathian i thir angki thuam tiah min i buh khawh a silo. Biaknak phung kha konglam chimrel i minung huham he aa rachanhmi tuahsernak hna, Pa paohpaoh le nu paohpaoh i huham he a ralchanhmi umtu ziaza hna, abiapi bikmi cu minung tinvo le mikip biaknak lei zalennak kha a ralchanmi umtu ziaza hna kha tuah hlah uh” tiah a rak ti hna (cf,CNN).
Mithiang John Pawl II nih cun fehternak a rak tuah rihmi cu “Ṭhihphaihnak ningcangin mi a thatmi hna cu, minung hna kha a lung a rawkmi hna, mah pumcung ah lungrawh mi hna, hmailei caah lungrawh mi hna an si i annih hmuhnak ah, zeizongte hi huat ding a si, hrawhding a si timi zumhnak a ngeimi hna an si” tiah a ti (St. John Pawl II message for 2002, World day of Peace, 6.).
No. 6 >> Ralhrang tuahsernak in a thahmi hna nih minung sinak, nunnak, hmailei kong kha an lung a donghter taktak. An hmuhning ahcun zeizong vialte hi huat awk le hrawh awk an si. Ralhrang pawl nih an zumhmi biatak asiloah an tonmi sifahnak cu a tlingmi a si caah sualnak a ngei lomi nunnak hmanh hrawhnak ah an lehrulhnak cu a hmaan tiah an ruah. Ralhrang cu a caan ahcun mah le mah biatak hmuhning kha midang vialte cungah hramhram in tuahter a hau timi zumhnak in a chuakmi a fekmi fundamentalism nih a chuahpimi a si tawn. Cu nakin, biatak cu phanh a si cang hmanhah—cun mah cu a tlawmmi le a tling lomi lam lawngin a cang kho—zeitikhmanh ah hramhram in tuah khawh a si lo. Mi pakhat chiaṭha thleidannak lungthin upatnak, cuka ahcun Pathian muisam hrimhrim a lang (cf. Gen 1:26-27), timi cu biatak kha midang sin lawngah kan chuahpi khawh, cu tikah cohlan awkah rian an ngei. Biatak tiah kan ruahmi kha thahnawnnak in midang cungah hneknak tuah, i zuam cu minung upatnak buar a si, cun a donghnak ah cu pa nih a muisam aa putmi Pathian cungah buar a si. Cu ruangah, a tlangpi in fundamentalism tiah auhmi cu Pathian zumhnak he aa ralchanhmi lungput a si. Ralhrang nih minung lawng si loin Pathian zong a hman: mah duhnak caah hman dingmi milem ah sernak in a dong.