Pope Leo nih Argentina hruaitu hna cu ramkhel duhnak nakin zapi ṭhatnak kha biapi deuh ah chiah dingin forhfialnak a tuah

Pope nih Argentina ram a tlawn i, ram uk acozah hruaitu hna he an i tonnak ah, ramkhelnak lei ah amiak hmuhnak hnak in rammi hna caah ṭhathnemnak le amiak hmuhnak rianṭuan awk ah forhfialnak a ngei. Zarhpi nih ah khan, acozah hruaitu upa hna, ramdang pehtlaitu palai hna le tualchungmi cheuhkhat hna cu Buenos Aires khua Palacio Libertad ah Pope he i tonnak an ngei. Cu tonnak ah Pope nih avoikhatnak Argentina ram a lamh hmasabik biachimnak ah, mipi caah rianṭuannak asullam le lungput kong a chim i, mah zawnlawng ruatnak, asiloah, chikkhat caan khat ca amiak hmuhnak caah rianṭuannak si loin zapi caah ṭhathnemnak (common good) caah rianṭuan awk ah le Democracy uknak ṭhawnter i rammi hna khuasak tintuknak a fawinak dingah khuakhan lairel awk ah ram uktu hna sin ah nawlnak a tuah. Lamkaltu Khualtlawnnak in Thlanglei America (Latin America) ram a tlawng lio mi Pope Leo 14 cu Uruguay ram a tlawn dih hnu ah Argentina ram a tlawng.

Argentina ram tuanbia le rothil kong hna he pehtlai in, democracy uknak kilvennak ding ah pakhat le pakhat kar ah biaruahnak (dialogue) a herhnak le rammi nih an ngeihmi inn thilri vialte kha upatnak he tongtham kilvennak a herh pin ah, pakhat le pakhat ton biaruahnak le i ceihmainak a um tik ah kan hmanmi biafang ralring tein hmannak thawngin, lungsaunak he hnatlaknak le rianṭuanṭi khawh asi nak kong a chim. Cun ramkhelnak le i ṭhit hruainak kong ah, nawlngeihnak cu mipi caah ṭhanchonak le an caah rianṭuan piaknak lei i hman asi tikah cu nawlngeihnak cu a dik a hmaanmi nawlngeihnak asi tiah Pope nih a chim chap. Pope cu Agentina a tlawn dih hnu, Latin America ram ah Lamkaltu khualtlawnak a donghnak ah Peru a tlawn lai tiah Vatican News nih thawngthanhnak a tuah.