KHUATE UMMI MINUNG HNA AN HARNAK
Khuapi um cheukhat hna cu minung huham upatnak kha tong loin sikaan umlo umtu ningcang ah intuar in an chang cio hna. Khuate i a ummi, mi nih zei rello hnon a ingmi minung hna i an sining hna zong philh awk an si lo. Khuate cheukhat hna ah a biapi in a herhmi hna caah bawmhchanh rianṭuannak hmun an um lo. Rianṭuantu (lohtaa) cheukhat cu minung nawlngeihnak (tinvo) le minung huham hna kha an sung i, sal le sinum tluk dengmang dirhmun in an ṭuan an ei an um hna.
Minung he pehtlaimi pawngkam zohkhenhnak konglam dang pakhat a simi minung hna nunnak le umṭhutnak ah nunning ziaza he aa pehtlaimi upadi hna zong ruahchih a herh. Nunning ziaza he pehtlai in upati cheukhat kha minung thinlung chiaṭha thleidan khawhnak ah Pathian nih a khumh chih i cu upadi cu minung hna caah limhaang ngei tein um khawhnak pawngkam kha sak dingah a biapi tukmi a si.
A rak i din cangmi Pope Benedict XVII nak nih, minung he pehtlaimi kokek pawngkam kong a rak chimnak ah, minung hna zongah hin upat awk a si dingmi kokek minung upadi kha kan ngeih i, cucu minung nih upat in zulh a her hi mah khakha mah ruahnak in va tuah sawhsawh khawh a si lo. Kan takpum cu kannih kha kokek pawngkam le a dang nunnak ngei thilnung hna he pehtlaihnak a kan ngeihter.
Kannih kan takpum hi Pathian pekmi laksawng sinak in cohlannak cu a biapimi a si i, hi bangin cohlannak cu kan inn a simi Vawlei pumpi dihlak zong kha Pathian pekmi laksawng sinak ah cohlang i don dingah a biapi i a herhmi a si. Mah le takpum cungaah tanglo nawlngeihnak ka ngei tiah ruahnak cu sermi thilnung vialte cung zongah duh paoh tuah dingin nawlngeihnak aana kan ngei ti ruahnak leiah lam a hruai.
Minung he pehtlaimi kokek pawngkam zohkhenhnak a hmaan bikmi ah mah takpum kha (tha dernak le ṭhawnnak dihlak hngalh in) cohlannak, takpum cheuchum dihlak zohfelnak, takpum rianṭuannak dihlak upatnak hna cu a biapimi konglam hna an si. Mah takpum kha pa sinak in siseh, nu sinak in siseh, man ngeihternak cu a biapimi konglam a si i kanmah leikap in aa lo lomi midang pakhat he hawikomhnak ah a hmaanmi mah le umtu ningcang kha theih a si lai.
Cuticun kannih cu a dang nu hna, pa hna kha Pathian sermi a hleice laksawng hna sinak ah lunglawm thanuam tein kan cohlan khawh lai i, pakhat le pakhat pehtlai tein bawmhchanhnak kan ngei khawh hna lai. Minung hna ah aummi nu/pa thleidannak kongkau cu tlangtlak in fianter thiam lonak ruangah hi aa thleidannak kha a cohlang duh lomi thinlung cu minung nih kan ngeih awk a simi punghmaan lungthin a si lo.