Chungkhar kong kha saduhthahnak in serkhawh asi lo.

Minung tam pi cu duhdawtnak kong ah saduh an thah tawn. Duh dawtnak kong kha an ingtuar ṭheo. Duhdawtnak kong kha theih duh ngai in an ceih tawn.

Asinain a duhdawtmi caah (nunnak cheuh ding le a sunghpek ding (pekchanh ding) tu cu lungawtom in an um tawn. Hnulei an i ton tawn. Dawtnak he kuttongh an i hlat tawn. Dawtnak le chungkhar ngei hna nunnak cu vawlei le van bantuk arak i thleidan kha an theih tikah saduhthahnak in chungkhar arak sermi hna cu fawife in an i ṭhen in an rawh ṭhan zau kha kan hmuh hna.

Dawtnak le Chungkhar kong cu ṭhen khawh (hlaat khawh) asi lo. Biatakte dawtnak taktak in duh hnu lawngah pakhat le pakhat cungah caansau pekchanh khawh asi lai i ngaithiam khawh asi lai. Mah nunnak kha cheuh khawh asi lai. Chungkhar kong ṭuanvo zong pakhat cu pakhat an i cheuh khawh lai.

Saduh thah in Chungkhar a sermi hna nih teinak an hmuu bal lai lo. Kut tongh taktak nunnak in hram bunh lawng ah Chungkhar ser awk asi.

A sungh pek fahnaking, mah duhnak hlawtawk a ṭihmi hna cu duhdawtnak aṭih mi hna an si. Zeicah kan tiah cun a duh taktak ah cun pumpek in aa pekchanh taktak lai caah asi.

Anuami teinak ahmu mi Chungkhar si na duh asi ah cun pekchanh le pumpek khawh na zuam lai.

Chungkhar kong cu ṭhitcia mi thilpuan asi lo. Teima in i ṭhit hnu ah hruk ding mi puanthan pakhat asi.

Chungkhar kong cu ṭhil cia mi pangpar kual pakhat asi lo. Mah pumpak nih ṭhil hnga dingmi Pangpar tete an si.

Chungkhar kong cu um colhnak caah an saklin ciami inn pakha asi lo. Inn pakhat a chuahnak dingah i zuam in an sak dingmi thilri pon an si.