St. John Mary Vianney, Priest (1786-1859)
Audio (aw) zongin ngai khawh a si. 👇👇
Mithiang John Mary Vianney cu Siangbawi hna zohkhenhtu Mithiang a si. 1786 kum, May 8 ah France ram, Dardily khua i sifak chungkhar in a chuak. Kum 20 a ti ah Lyons khua seminary sianginn ah a lut. Asinain Philosophy le Bible lei cawnnak ahkhan aa harh ngai. An sianginn uktu nih amah kha sianginn chuah dingah a ruahnak a hal tikah Vianney nihcun ‘Bupi nih a fimthiammi Siangbawi hna a herh hna lawng siloin a thianghlimmi hna zong kha a herh ve hna’ tiah a rak leh. 1815 kum ah Siangbawi cannak a laak hnu ah John Mary Vianney cu minung 230 lawng an umnak, lam hlatpi khuate pakhat a simi Ars pengah Siangbawi a á¹uan. Amah cu semrel ngaiin rawl-ulhnak kha a tuah i, mi tampi i sualthlahnak kha a ngaihpiak hna. Sualthlahpiaktu Siangbawi pakhat a si tiah minthannak le lungthin thlarau leiah tlaih khawhnak á¹hawnnak a ngeih ruangah rel cawklo mitampi kha a hruai khawh hna. Sual thlahpiaknak kha nikhat ah suimilam 14 chung a tuahpiak hna hnu ah ngakchia Pathian bia cawnpiaknak kha a tuah i, a upa deuh mi hna caah cun san a tlaimi phungchimnak kha a tuah tawn.
A nunnak ah khuachia, khuavang tukforhnak cu 1824 kum in aa thawk i kum 30 leng a rau. Khuachia hna sinin á¹ihnung mi awthawng hna, kuttongh in ral sernak han le thilri hna meikhangh ternak kha a pehpeh in a sinah a tlung. Ars peng Siangbawi pa cu a dang Siangbawi hna i hremnak zong kha a in rih. Annih nih zeihmanh a thei lomi, aa titermi, mihrut tiah John Mary Vianney kha an ti. Asinain amah nih ‘kannih Siangbawi hna chungin aa khatmi hruhnak tlawmpal kan ngei cio tiah ka ruah’ tiah a leh hna. Upatnak caah hleice in pekmi zeibantuk hmunhma hmanh kha a duh lo. 1852 kum ah amah cu Monsigor-Bishop bawmtu a rak si tikah Charlie hrai le a thuam kha a zuar i misifak kha a pek hna. Amah upatnak Vailamtung le pengram kauh deuhnak ah á¹uanvo an pekmi zong a duh lo. St. John Mary Vianney cu 1859 kum ah a thi i, nihin ni tiang Siangbawi hna caah zohchunh awktlak Mithiang pakhat sinak in a um.