The Presentation of the Lord
Naute Jesuh Biakinn Chung Pekchanhnak Puai
Audio (aw) zong in ngai khawh a si. 👇👇
Jesuh Khrih a chuah hnu ni riat a tlin tikah Joseph le Mary cu Naute Jesuh kha Jerusalem Biakinnpi ahkhan Pathian sinah an pekchanh. Cuti an tuahnak cu Pathian nawlbia kha an zulh i an kilven caah a si. “Minung siseh, saram siseh, fater poah cu keimah caah thianter hna u, keimah ta an si caah nan ka pekchanh lai” tiah Bawipa nih a ti. (Exo 13:1).
Mary zong nih amah thianhlimnak caah áąhuro pahnih in a rak pekchanh. (Lev 12:6-8). “Cun aa thianhnak ni kha a tlin tikah, fapa caah siseh, fanu caah siseh Tlangbawi sinah tonnak thlam innka ah khanghthawinak caah Tuufa kumkhat a timi a rak put lai i sualthawinak caah laileng pakhat maw, áąhuro pakhat dik a rak put lai. Cun amah nih thawinak a tuah lai i Bawipa hmai ah remnak a serpiak lai, cun a thi chuahnak cun amah cu a thiang lai. Mah hihi fapa a hringmi caah siseh, fanu a hringmi caah siseh phunglam a si. Cun Tuufa kha a ngeih khawh lo ahcun áąhuro pahnih maw laileng pahnih dik a laak hna lai. Pakhat cu khanghthawinak caah a si lai i a dang pakhat cu sualthawinak caah a si lai, cun Tlangbawi nih remhnak a serpiak lai i amah cu a thiang lai”.
Biakinn chung ahcun Simon an timi mithiang pakhat a um. Amah cu; khamhtu na hmuh hlan lo na thi lai lo, tiah biathlam a hmu mi pa a si. Naute Jesuh kha a kut in a pom i Pathian veel kha a thangáąhat. “Zeizong vialte a uktu Bawipa, Na salpa hi Na biaphuan ningin dai tein thihnak nawl cu atu ahhin ka pe hram ko. Na mi Isarel hna sunparnak ding le Gentail mi hna sin i phuan ding ceunak cu a si” tiah a ti. (Lk 2:29-32). Cu bia an theih tikah Joseph le Mary cu an khuaruah a har ngaingai. Simon nihcun annih cu thluachuah a pek hna hnu ah Mary kha; Ngai hmanh, hi Ngakchia hi Isarel mi lakah mi tampi tlukrilhnak ding le mi tampi dirtertu dingah ruah mi a si. Mi nih an ralchanh te lainak hmelchunhnak he, mi tampi nih lungthin in ruahternak caah nang zong na nunnak cu fei in tlenglak in an chunh te lai, tiah a ti. (Lk 2:34-35).