Kan hmuh rih lo mi kha kan i ruahchan
25 October 2025
Mifim le khuaruat minthang Nicholas of Cusa( lungrualnak caah thazaang chuahtu le pumpetu) i chimmi bia kha tahchunhnak ah lak in, kan saduhthahmi vialte a tlin khawh lo zong ah ruahchannak kan ngei zungzal ko tiah Jubilee puai zawh ah Vatican i a rak phanmi mipi hna sin ah Pope Leo XIV nih thazaang peknak a ngei.
Nan khualtlawnnak le nan i tinhmi hmunhma cu nan ra phan cio cang hna, sihmanhsehlaw Jesuh Khrih Zultu hna bantukin vawlei thar i um awk le nun awk ah cawn kan herh. Jubillee nih ruahchannak khualtlawngmi ah a kan sernak a ruang cu zeizong vialte hi vailamtah ceunak tangah an lang dih hrimhrim lai i cu ruahchannak chungah khamh kan si, tiah a chimh hna.
Bawipa Jesuh nih kan mit au-ter seh,( kan hmuh ning) kan cawnpiak seh law cuticun lung i khahlo, i theihthiamlonak le i ralchannak, i dohnak um ko hmanhsehlaw, dawtnak nih teinak a hmuh lai ti kan hngalh khawh lai.
Cusa khua mi Nicholas bia kha tahchunnak ah hmang in Pope nih “a phi vialte kan hngalh dih lo zong ah ruahchannak lung a dong lo. Kumzabu 15 lio i thencheunak le buaibainak a rak chuah lio ah Cusa khua mi Nicholas nih Bupi chung ah lungrualnak a rak hmu kho lo, lenglei ral i tlerhkhonhnak le hrocernak vialte Bupi nih a rak ton.” Pope nih a chim chap rihmi cu, sihmanhsehlaw NIcholas nih ruahchannak a ngei peng, zumhnak ah fektein a dir, aa ralchanmi thil sining hna cu hmunkhat ah funtom a herh ning le harnak le lungrual lonak ah Pathian cu thilti khotu Biathuk a si ti kha a hngalh thiam tiah ati. NIcholas nih thil umtu ning a theih khawhlo mi kha aa hngalh, cu nih cun thil sining tampi kha a theihter khawh. Amah cu Bupi caah laksawng sung asi. Midang kha hmunhma pek thiam, a kianh zia thiam le lungkhah lo nak le ralchanhnak kha rualremnak lam i zuam i, kan hmuh rih lo mi ah ruahchannak ngeih khawh awk ah cawn kan hau. Bupi cu minung sin ah khua asa i minung he a um tikah, biahalnak tampi a tong. Sihmanhsehlaw, biahalnak kip kha a phi kan ngei lo ti zong Bupi nih a hngalh. Jesuh kan zulh, Jesuh kan ngei. Cucaah kan hmuh rih lo mi kha kan i ruahchan tiah Pope nih a ti.
News source: Vatican News