Reflection for Saturday
December 28
1. Christmas Octave a simi December 28 ni ah Catholic Khrihfabu nih Sualnak A Ngei Lomi A Thiangmi Ngakchia hna Puai kan tuah. Liturgy caah relmi nih ṭhatlonak sining kha a kan hngalhter ṭhan; nunnak caah upatnak a ngei lo. A ngaingai ti ahcun, nunnak a huat!
A voikhatnak bible cu dawtmi zultu Johan cakuat 1nak chungin lakmi a si. Johan nih hitin a kan theihter: “Jesuh Khrih sinin kan theihmi le kan chimhmi bia cu hihi a si: Pathian cu ceunak a si i amah chungah cun muihnak zeihmanh a um lo. ‘Amah he kan i hawikomh,’ tiah kan ti ahcun muihnak chung i kal awkah lih kan chim i biatak in kan um lo.” (I Johan 5)
Hi bia kan rel tikah zeitindah United States of America ah thimfung thlakmi cheukhat nih an nu paw chung i sualnak a ngei lomi hna thahnak ding caah a ṭhanchoter mi le bawmh a duhmi hna kha kan ruahkhawh hna lai lo?
2. Hi puai ah lehnak caah kan sakmi Salm nih “kan bawmhnak cu van le vawlei a sertu Bawipa min in a si” tiah a kan theihter. Hi Sualnak Ngei Lomi a Thiangmi ngakchia hna Puai ahhin, nihin ah nau hrawhnak in a nunnak a lak khomi hrin rih lomi ngakchia vialte aiawh in Bawipa sinah bawmhnak hal hna u sih.
Sii lei fimthiamnak nih Natural Law le kan chiaṭha thleidannak lungthin nih hlanlio ah kan dihlak in a kan chimhmi kha a fehter, nu pawchung i a ummi ngakchia cu kanmah lakah pakhat a si. Atu cu kan bawmhnak a herh tikah a zungzal in operation kan tuah i a chuah hlan tiang a inn hmasabik ah kan chiah ṭhan.
“Thimnak a dirkamhtu” dirhmun tiah palh in auhmi lihbia cu a muisam a ṭhalotuk mi ah a lang. Sifakmi i hawikom an si tiah a chim pengmi ahohmanh an umlo. Nu pawchung i a ummi ngakchiate cu, Mother Teresa nih fiang tein a kan theihter bantukin, “sifak bik” a si. Ngakchia nih thim ding a ngeilo a ti.
3. Sualnak a ngei lomi hna puai i Liturgy caah Thawngṭha nih cozah chung i sifakmi hna aunak a thei kho lomi hna kha zeitindah ṭhatlonak nih a tlunh khawh hna ti kha a kan hngalhter ṭhan. Tahchunhnak pekmi cu amah nawlngeihnak in a rit tukmi uktu Herod a si. A kalhmi thil ka tuah tiah a ti lio ah a ding loin uknak a tuah:
“Herod cu mifim hna nih an ka hlen ti kha a hngalh tikah a thin a hung tuk. Bethlehem le a pawngkam i a ummi ngakchia kumhnih tang vialte kha mifim hna sinin a hngalhmi caan ningin thah dih dingin nawl a pek hna. Cu tikah profet Jeremiah nih a chimmi kha a tlinter: Ramah khua ah Rachel caah ṭahnak le ṭahnak aw pakhat a thang; cun a fale an um ti lo caah hnemh a duh hna lo” tiah a ti. Rachel cu kan chan zongah a ṭap rih.
Tlangbawi pawl i thlacamnak The Office of Readings nih kum zabu 5nak i Deacon le Khrihfabu i pa a simi Mithiang Quodvultdeus phungchimnak kha a pek, “Biachim an thiam hlanah Khrih kha an thanh cang” timi tlangtar in, Herod nih a tuahmi thil ṭhalo kha a langhter. Cun, kan chan ah, hmuhmi nau hrawhnak paohpaoh a ṭhatlonak zong a langhter.