December 14 – Reflection

Kan hmurkaa in a chuakmi Pathian bia

Elijah cu vancung in mei a thla khotu asi. Mah mei a auh khawhnak cu lampial mi Israel mi hna Pathian sin an ratṭhan khawhnak ding ah asi. Pathian bia hmang in pur a tlunter khawh. Khuaruahharnak a tuah khawh. Mah vialte cu Pathian miphun Pathian sin an kirnak ding caah a hman.

Khrih chan ah John the Baptist cu Ilijah bantuk Pathian mi hna Pathian sin an kirṭhan khawhnak ding ah thawngṭha a phuang. A phuanmi thawngṭha bia nih Jesuh cu khamhtu asi ti a hngalh caah Jesuh sinah mipi lung a phan ve. Tuchan ah Pathian nih Ilijah le tipil petu Johan bantuk minung tampi a herh.

Micheu thawngṭha bia ka chim ai timi nih Pathian sinah minung tamdeuh phan hna seh ti nakin kan bu ah minung karh deuh seh, cheuhra cheukhat (tithes) karh deuh seh a timi kan tamdeuh thluahmah. Sual ngaihchih kong nakin rumnak le ṭhawnnak kong deuh chim kan uar. Pumpak minthannak kan kawl thluahmah.

Mah hi a palh. Kan hmurkaa in a chuakmi Pathian bia hi Pathian sunparnak mipi nih an theih deuh ding le mipi nih Pathian an naih, an hngalh deuhnak ding caah chim le phuan ding asi. Kan chim kan phuanmi paoh hi mah minṭhatnak dingah sibak hlah seh. Pathian sunparnak ca tu ah si lengmang seh.