Ahohmanh Ngaihchiat kan duh lo

Minung hi ngaihchiat a duhmi pakhat hmanh kan um lo. Kan nun chung ah innchungkhar ah siseh, innpa chak thlang hawi le kom ah siseh, ai nuam mi si kan duh. Rian kan ṭuan, kan kawl kan hawl mi vialte hi a donghnak ahcun nuamhnak caah asi dih. Mah kan kawl kan hawl tik ah a nuamh cu a nuam ko nain lung diriamhnak a um kho lo. Cucaah cun dawh mirum hna an fa le nih nuamh duh ah phaisa chuah in hehchet an cawlcang ko nain an lung diriam lak in an i nuamh khawh lo cuh. Zu, sii ai in a rawh dihnak a si cu. Nuamhnak in lawmhnak hmuh duh ahcun nihin kan rel mi Cathiang nih fiang tuk in a kan chimh. Na caah ṭhatnak lam hmuhsak le chimhhrin na si caah mah lam cu na zulh hrimhrim lai a kan ti. Mah lam cu kan zulh asi ahcun kan lunglawmhnak tiva bang in a luang lai ti in Pathian nih bia a kan kamh. Lunglawmhnak he a khatmi si a duh mi paoh cu Pathian bia ngaih i zulh hi a ṭha bik. Salm hla chung zong ah hi bia hi a nawlh ṭhan. Na hnu an zulmi paoh nih nun ceunak a ngei lai a ti. Gospel kan zoh asi ahcun Jesuh nih amah chan lio minung an umtu zia a zoh tik ah a lungdong ngai. Zei caah tiah cun an chung a mui i an nun khuasak a buai caah asi. Nuamh caan ah nuamh khawh lo hi zaangfak tuk minung an si. Pathian a hngal mi hna cu an chunglei ah daihnak le lawmhnak a um caah an nun a nuam peng. Nuamhnak na duh ahcun Pathian nawlbia he nun i zuam ko.