Kumkhua A Sau Deuh, Muisam A Tar Deuh Ve

Vawlei cu ni nih a hel caah Chan nih a chuahpi mi cu a kri ṭhan lengmang ve. Bible cathiang kan zoh tik ah Adam le Eve in a tu tiang sualnak a thar ti a um lo. Rak tuah cia mi lawngte an si hna. Cucaah a thar timi nak in a hlun ti mi hi an tam deuh peng. Cu hna Chan kip ah Pathian hi a hmun zungzal. Zeicah tiah Pathian cu zeizong vilate nak in a lian deuh. Pathian sin ah tar ti um lo.

Cucaah Pathian nih minung caah zeidah a herh bik ti a theih. Minung cu a sermi a si caah a dawt bak ve. Mah a dawtmi minung cu a tinh mi hmuh, a phak khawhnak ding ah lungthian le sualnak hna kha hrial seh ti a duh. Cu sualnak a tei khotu cu a pumsa tar hmanhseh, a lungthin a hno a hring. Nang le kei cu chung lei in a no mi, duhnung mi si hi Pathian nih a dan duh piak cem mi asi.