SEHZUNG LE KOKEK PAWNGKAM TON BIARUAHNAK
Sehzung lei rianṭuannak ah thli thurhnawmhnak tambik a chuahtermi vawlei chungchuak datsi (lawngsasi) hna a simi lung meihol le laungsasi (a kang khomi sathau) hna, thli thurhnawmhnak a zortermi datkhu hna hmannak hrambunhmi sehzung hna kha ṭihnung a si lomi thildang hna he a ran khawh chung rawlh thlen awk a si. Hman ṭhan khawh a simi thazaang hna kha phun tampi hmuh khawh, hlan deuh i ṭhathnem lonak pahnih lakah ṭhatlonak a tlawm deuhmi thil hna, caan tawi caah hmannak tucu cohlan tlak a si ko.
A luancia kumhrabu tlawmter chungah kokek pawngkam piahtana he pehtlaimi biaruahnak tamnawnte an rak tuah i, cu kongkau caah fek tein tuahnak le zatlang nunphung he pehtlaimi kongkau hna ah tuaktan loin faktuk in intuarnak hna a chuahter. Ramkhel rianṭuantu hna le sipuazi tamaa hna cu vawlei pumpi n ih a hmaitonh cuahmahmi ṭuan zokzok piak dingmi zuamcawhnak hna he aa lomi tahnak in lehrulh dingah an khul a nuartukmi kha kan hmuh.
Seh rianṭuannak i thlennak a chuah i a hnu chan ah kokek pawngkam thurhnawmhnak caah ṭuanvo laknak a daithlangmi hna kha tuanbia ah sualphawt soisel ding an si ko nain, kumzabu (21) a thawk hnuah a ummi hna kha kokek pawngkam piahtana caah faktuk in ṭuanvo lak i rianṭuan thawktu sinak in tuanbia an ṭial te lai.
Vawlei pumpi huap tahnak in, kokek pawngkam zohkhenhnak he pehtlaimi cawlcanghnak cu ram tampi hna chungin a phu hna i zuamnak he rianṭuannak ruangah a zatceo teinak le ṭhanchonak kha kan hmuh.
Annih a phu vialte i min le an cawlcanghnak tuanbia kha hika ah langhter awk a ṭha lo. Annih zuamnak thawngin kokek pawngkam he pehtlaimi kongkau hna kha meeting hna ah biaruahnak an ngei i hmuhchung khawhnak nganpi he ṭuan cio dingin thazaang pek forhfialnak hna kan hmuh.
Sihmanhsehlaw a rau rih lo naite i an tuahmi kokek pawngkam he pehtlaihmi Vawlei cung ramkip a sangbik minung pawl ton biaruahnak ah ramkhel ningin thapek dirkamhnak a tlawm caah kokek pawngkam he pehtlaih in, Vawlei cung huap hmual ngeiin sullam ngeimi hnatlaknak an rak ngeih lo caah Vawlei pumpi ruahchannak kha an rak tuah kho lo.