December 4- Reflection

A voikhatnak kan relmi bible chungah Bawipa nih a tlang thiang ah rawldanghnak ah a kan sawmmi kha Profet Isaiah sinin kan hmuh. Cu puai ahcun Bawipa nih kan nunnak ah daihnak a chuahpi lai, kan nunnak chungin ngaihchiatnak le ningzahnak vialte a hloh dih lai. A biapi bikmi cu Thihnak hrimhrim kha a hrawh lai.

Mithiang Matthai chungin thawngtha ah mi tampi nih Jesuh sinah an mizaw hna he an ra i a damtermi kha kan hmuh. Pahnihnak ah a tlawm tukmi thilri in mibu tampi a cawm (rawl a dangh) hna ti kan hmuh.

Bible kan relmi a pahnih teah Bawipa nih a mi hna kha rawl a pek hna i an nunnak a thlen hna, hmailei caah ruahchannak a pek hna.