Pope Leo XIV Nih: “Nangmah he kan umpi kho rih hna lo” tiin Siizung a kai hnu ah voi(1) nak bik Biacah a chim.

Operation tuahnak khaan a chuah hnu suimilam 24 hnu ah, Pope Leo XIV nih Amoris laetitia kum 10 tlinnak puai ah aa telmi hna sinah thawngthanhnak a kuat hna:

“Na theih bantukin, a luan ciami ni caan tlawmpal ah khan nan sinah ka um kho lo. (…) Na riantuannak le biaruahnak a phichuak ka rel lai i a caan a phak tikah ka ruahnak kan hrawmh hna lai. (…) Nan caah thla kan campiak hna bantuk in ka ca zong ah thla rak ka campiak ve uh” tiah Pope Leo nih a ti.

Cardinal Luis Antonio Tagle nih St. Peter’s Square ah Missa thawinak a hruai hna i vawleicung pumpi in bishop conferences president pawl zong an i tel kho hna.  

Cu lio ah, Pope Leo XIV cu Gemelli sizung aa thlopnak ah dam ṭhan lei a panh cuahmah lio zong a si. Sii lei thawngpang thar ning ahcun, operation tuah hnu ah a dam ṭhannak cu a ṭha ngai. A khaan chung ah aa chawk kho cang. Thawchuahnak lei thlopnak a dih cang i rawl a ei ṭhan cang tiah an ti.

Source: Rome Reports