December 3 – Reflection

Tlawmte sinak

Khamhnak tuanbia chung vialte ah, Pathian nih a tlawmte le a hmete kha a duh deuhnak a langhter. Adam a ser tikah sui le ngun in si loin leidip in a kan ser, Izipt ram ah Faro sal sinak in a mi hna luatter awkah hruaitu pakhat a duh tikah a holh a thiam lomi Moses kha a thim; Filistin mi tei a duh hna tikah tuukhal ngakchia pate David kha a thim, amah nih cun lung hmete lawng in Goliath nganpi cu a hlonh; a Fapa chuahnak ding hmun a kawl lio ah Bethlehem khua hmete kha aa thim; a Fapa Jesuh caah nu a herh tikah, Nazareth khua hmete in ngaknu sawhsawh pakhat kha a thim. Kan ngakchiat lio ah Pathian lei ah kan um! Tlawmte sinak nih Pathian sinah a kan onh.