Advent |A zarhkhatnak

Nihin ah, advent caan kan thawk. Advent timi cu rat tinak a si. Jesuh ratnak kong he aa pehtlaimi a fingmi pathum an um nain an dihlak in an i pehtlai dih. A luancia kum thonghnih lengah amah cu Bethlehem khua ah ngaknu thiang Mary sinin minung titsa a cang i kan lakah a um. Sualnak sal sinak in a kan luatnak ding caah Jesuh cu tuanbia ah khamhtu in a ra. Nihin thawngtha nih a chimmi Jesuh rat tthannak a um. Caan donghnak ah sunparnak he a ra lai. Cu tikah rimhmui bantukin si loin biaceihtu bantukin a ra lai, a nungmi le mithi pawl biaceih awkah a ra lai. A rat tikah ralṭha tein dir awkah kanmah le kanmah kan i timhtuah a hau. Sunparnak he a ra i, hi ratnak hi hmailei ah a si telai. Hi ratnak pahnih karlak, tuanbia ah le sunparnak in a ratnak karlak ah kan nung.

Jesuh i a voithumnak ratnak a um. Biathuk (Mystery) he kan sinah a ra. Hi ratnak hi atu lio le atu lio ah a si. Amah cu “nifatin kan nunnak cathiang” in a ra. Lawmhnak le ngaihchiatnak, ni ceunak le muihnak, hawikom le ral, fahnak le nuamhnak, riantuannak le dinhhnak, zawtnak le ngandamnak, bia le dai tein, sifak le herhbaunak a ngeimi, teinak le ngaihchiatnak in kan sinah a ra . Khuaruahhar Pathian cu kan i ruahchan lo bik caan ah a ra tawn. A siko, a caan ah, a kal hnu lawngah a ra ti kha kan hngalh tawn!