Pope nih Latin America ram a khual tlawnnak ding caan le ni thla (itinerary) Vatican nih a thanh
A ra laimi November ah Pope nih Latin America (South America) ram tlawn ding ah aa thawh cang lai tiah Vatican Thawngzamhnak nih cu khualtlawnnak program (itinerary) a chuah. Uruguay, Argentina le Peru ram thum ah Lamkaltu khualtlawnnak (Apostolic Journey) caah an mah an ram cio i program, logo le motto hna an langhter cang hna. November 6 in 17 tiang a rau lai i cu ni hleihnih chung ah khuapi pahra a tlawn lai tiah theih asi. Hi khualtlawnnak ni le thla le tlawn dingmi khua hna cu August 5 ah rak thanh cang asi nain a tu ah a thar in thanhmi itinerary nih dikthliar deuh le fiangfai deuh in a hmunhma le cawlcanghnak le timhtuahnak kha fiangdeuh in a langhter.
Ahmasabik ah November 6 in 8 tiang Uruguay ram a tlawn lai i Montevideo, Paysandú le Florida khua hna ah a kal lai. Uruguay ram hi 1988 lio ah St John Paul II nih a rak tlawn hnu in a tu Pope Leo 14nak nih a voikhatnak Pope dirhmun in a tlawnnak a si lai. Hi tlawnnak caah motto cu “Lawmhnak nganpi thawngṭha kan in phurh hna/ kan put hna ti mi “I bring you news of great joy,” ti a si i Bethlehem khua tuukhal hna sin ah Vancungmi nih thawngthanhnak Lk 2:10 chungta khan laakmi asi. Logo cu, Valam ah khenh chihnak a tuar i thihnak in a thoṭhanmi Khrih vailamtung kha a lai ah a um i a kam veve ah Uruguay ram zohkhenhtu, our Lady of Thirty-Three ti mi Bawinu Mary le Pope Leo nih an kulh. Cun a cung zawn ah Uruguay ram sinak hmelchunhnak a simi “May thla Ni, Sun of May” ti mi nikaa a um i (blue color) cu Uruguay thanthar ai-awhtu si.
Pope Leo 14 cu Uruguay a tlawn khawh in November 8-11 tiang Argentina a tlawng lai i, Buenos Aires, Córdoba le Luján ah a kal lai. Argentina cu Pope Francis chuahkehnak ram a si caah hi tlawnnak hi a biapi khun tiah lai tiah ruah asi. Argentina cu St.John Paul II nih 1987 ah a rak tlawn i kum sawmli hrawng a rauh hnu ah a tu Pope Leo 14 nih a tlawn ṭhan lai. Argentina ram i Pope khualtlawnnak ah an i thimmi motto cu, “ Nan dihlak tein kan in don hna, kal u law thawngṭha chim u / Welcome everyone. Go and proclaim,” ti asi. An Logo cu, mibupi laifang ah vailamtung a um, cu a sullam cu hmunkhatte ah khual a tlawngṭi mi kan si i, cu khualtlawnnak lamthluan ah minung pakhat cio nih ṭuanvo pakhat cio kan ngei i, pumkhat sinak le pakhat le pakhat i bawmhchanhnak he mission rianṭuannak le thawngṭha chimnak ah kan i tel cio, tinak a langhter.
Cun November 11in 17 tiang Peru a tlawng lai i, November 17 tiang a um lai i Lima, Chiclayo, Cuzco le Pucallpa khua ah a caam lai caah Peru ahhin ni tam bik a um lai tinak asi. Pope Leo 14 cu Pope i thim a rak si hlan ah Peru ah kum caan saupi mission rian a rak ṭuannak asi caah amah ca zong ah biapi ngaimi le a sunglawi ngaimi tlawnnak asi lai. Pope i Peru a tlawn tik ah hman dingmi motto cu ,”kan lungthin hung hna usih/ let us open our hearts,” ti asi. Logo i a laifang ah Pope Leo 14 a um i Peru ram zoh khenhtu St Rose of Lima, St Turibius of Mogrovejo, St Martin de Porres, St Francis Solano le St John Macías hna nih an kulh. Background ah lung (နှလုံးပုံ le Peru မြေပုံ) a um i a cung ah Thiang Thlarau kha ṭhuro bantukin a lang.