Pope Leo XIV: Khrih le a Bupi caah nunnak a pe mi chanthar Martyr hna cu Khrih ceunak kha vawlei ah a ceutertu an si

Dicastery le Dicastery’s Commission for New Martyrs – Witnesses of the Faith tawlrel in tuahmi Conference tlangtar, “Kumzabu 21 i Chanthar Martyr hna” he pehtlai in Pope Leo XIV nih biachimnak a ngei. A chimmi cu, “ Chanthar Martyr hna cu, mah zawn lawng i ruahnak le muihnak chung i a ummi hna kha ceunak a petu Arfi an si i Bupi nih Khrih ceunak tlingdeuh in langhter awk ah a bawmtu an si tiah a ti.  Cu Conference cu Rome khua um Pontifical Patristic Institute Augustinianum ah kan hnu Cawn nihnih ni ah an tuah i hmun dangdang ah Khrih le a Bupi caah nunnak a petu chanthar Martyr hna kong he pehtlai in hlathlainak le an konglam chimnak kong an i ceih tiah theih asi.

Pope nih aa pummi hna cu a don hna i hi min peknak hi a kau deuhmi phun langhter a timhmi a si, a tu lio ah thluachuah hmuhnak ding caah a tuahmi martar hna le thluachuah a hmumi le mithiang hna cazin ah phungning tein aa telmi hna he aa dangmi a si tiah a langhter. Khrih le a Bupi caah thahnak a tuarmi hna le a nunnak a liammi hna kong he pehtlai Mithiang sinak  le Mithiang sinak dot khatnak (Saint le Blessed) ah thanh dingmi min cazin pekmi hna chungtelhnak si loin min dang pek awk ah ruah le tuaktaan asi nak kong Pope nih a langhter.Tuchan nawl ngeihnak, a dong kho lo mi thazaang le hriamnaam ṭ hanchonak nih a kan uk lio ah Khrihfa hna nih an zumhnak tehte an khannak Khrih le a Bupi caah nunnak an pek ngamhmi kan hmuh tik ah an ralṭ hatnak cungah lunglawmhnak tampi a um tiah a chim.