KOKEK PAWNGKAM I PEHTLAI TEIN BAWMHCHANHNAK

Kokek pawngkam piahtana kha mithmuh kuttongh tein tlangtlak fianter awk i zuamnak ah piahtana a chuahter dingmi konglam hrampi hna kha telh chih in ruah a herh cang caah, hlathlainak a tuahtu hna caah annih dal kha zalong tein ṭuannak nawl pek dingah phukhat le phukhat ruah ṭi khuakhan ṭinak hna kha remhchunh piak ding, fimthiamnak lei hlathlainak he pehtlaimi, a kau ngaimi, zalong tein ṭuannak nawl pek ding timi te hna a biapi in a herh.

Cat loin tuahmi cekhlat (hlathlai) rianṭuannak hna ruangah, kannih cu Vawlei pumpi pawngkam ningcang phu ah aa lo lomi thilnung saram hna cu zeitindah pehtlai tein pehtlaihnak an ngeihnak kong, a ṭha khun lungfiang in theih khawhnak caah a bawmhchanh mi a si.

Pathian sermi thilnung saram paoh cu a ṭha i khuaruahhar an si dih. Cuve bangin thilnung saram dihlak pehtlaihnak an ngei, umnak hmun pakhatte ah an um i, a phu ningcang pakhat pungsan in cawlcanghnak an ngei cio. Kannih cu zei kan rel theng lo nain anmah le cio nunnak le umnak caah mah a kau ngaimi a phu hna ningcang cungah khan hngatchan le bochan in an um dih. Vawlei pumpi ah hin thilnung saram hna cu pehtlai tein an i pehtlaih dih i pakhat le pakhat an i bawmchan cio. Kokek pawngkam a rianṭuannak ruangah thli chung i Carbon dioxide dat hna an i chem hlo dih. Ti kha a thianter. Zawtfahnak, chawnh khomi zawtnak a chuahnak kha a tlaihkip piak. Vawlei non a sit er. Hlonhmi thilri hna kha a thut a manter. Zei kan rel theng lomi a dang ninglam hna, kan theih lomi ninglam in a kan bawmhchannak kong tiah a konglam hna kha i cinken awk a si.

Hi kong hna kha mi nih fiang tein an rak theih cio tikah kannih kan um hlan, thilti khawhnak thazaang kan rak ngeih hlan, kan rak chuah hlan tein kan caah a rak pekmi vawlei pumpi ah nunnak in kan umnak kong, mi tampi nih fiang tein an theih cang.

Kannih cu vawlei chungchuak thilri hna kha pehzulh in hman awk a simi pungsan i hmannak tiah kan ti tikah, kan rak hman cangmi vawlei chungchuak thilri hna hmunhma ah chuah ṭhannak thazaang kan ngei maw / ngei lo maw timi kong zong biapi ah chiah in kan ruat cio awk a si.