Ral tuknak nih mipi nunnak le ngandamnak kha ṭihnung ngai in a ralchanh

Minung nunnak kong he aa pehtlai in tuahmi Pontifical Academy Plenary Assembly ah a ra mi mipi hna sin ah Pope nih biachimnak a ngei. Cu a chimmi ah cun raltuknak le buaibainak ruangah a cangmi harnak lak ah minung ngandamnak hi ṭha tein zohkhenh ding le ṭhanchoter awk ah sawmnak a tuah. Hi ngandamnak ṭhanchoternak tuah tik ah kan thazaang le kan ngeihchiah hna he teima tein zapi caah ṭhatnak a chuahpi khawhnak hnga tawlrel le tuaktaan a hau i tlukruannak a umlo nak le a sining in thil a kal khawhlonak ah a ruahzia thiam awk ah tha pek a herh tiah February 16 ah a chim chap. Raltuknak ah hmanmi minung kut in sermi thilri hriamnam hna nih minung ngandamnak, abik in sizung a hnursuan tiah a ti. Raltuknak caah hmanmi hriamnam le thiri serchuahnak caah sipuaizitama le mi rum mifim hna nih tangka dih le ṭanlak in thazaang an chuah tluk in minung ngandamnak caah a ho hmanh nih ṭanlak le thazaang chuah a um bal lo. Minung nunnak le ngandamnak caah tuahmi Pontifical Academy Plenary Assembly cu February 16-17 tiang Rome khua ah tuah asi i mi vialte caah ngandamnak le tlukruannak kha a biapi in tlangtar ah chiah asi.