Pope nih Turkey ram a tlawn

Pope Leo XIV cu Turkey ram a tlawng i nithum a caam hnu ah Turkey ram khualipi Itanbul i a ummi Blue Mosque (Islam Biakinnpi) ah a va leng. Hi a khuatlawnnak cu Pope Leo XIV nih Pope a cannak thlaruk a rauh hnu ah Lamkaltu khualtlawnnak le Tuukhal khualtlawnnak in Turkey ram a tlawn hi asi. Islam biakinn (Mosque) chungah kedan hruk a ngah lo caah Pope zong nih a kedan aa phoih i kawzaw cung ah hmawca raangte he Islam biakinn chung ah upathmaizah tein a um. Hi a khualtlawnnak ah Orthodox hruaitu hna he tonnak le biaruahnak zong an ngei.

Nicaea Council an rak tuahnak kum 1700 tlinnak philhlonak le Khrihfa hna lakkar ah siseh, biaknak dangdang karlak ah siseh, dawtnak le rualremnak a um khawhnak hnga, zumhnak aa khahlonak ah pakhat le pakhat rualremnak, upathmaizahnak le i theihthiamnak um awk ah thazaangpeknak a ngei.