14 November Friday

Audio 👇🎧👇

Bible relnak: Luke 17:26-37

Mi Fapa Ni

Zungzal nunnak le vawlei donghnak kong he pehtlaiin hi thawngṭha catlang hi kan cawn awk a simi thil pathum a um:

Pakhatnak cu vawlei hi a dong hrimhrim lai ti hi a si. Cucaah sermi thil vialte nih kan lung le kan thinlung hi Bawipa lei cawisan dingah an kan bawmh awk a si. Vawlei pumpi cu Pathian sermi a si i a zungzal timhtuahnak chungah rian a ngei. Cucaah Khrihfabu nih Pathian i a dawhdawh rianṭuannak hna asinain a liam chuahmahmi thil sining taktak in hmuh awkah a kan sawm.

Pahnihnak cu nikhatkhat ah Khrih cu Pa le vancung mithiang vialte he umṭi dingin inn ah a kan auhṭhan lai ti hi a si. Caan pekmi hi a tawi i caan zeizat dah kan hmuh timi cungah nawlngeihnak kan ngei lo. Cucaah Khrih nih kan nunnak nih tinhmi le sullam a ngeih kha a kan theihter. A si an bawmh khawh ko nain vawlei, zatlang nun, dawtmi hna asiloah kanmah hmanh nih kan nunnak sullam le kan zulh awk a simi kan nunnak lam kha a khiah lai lo. Amah cu lamṭha a khiahtu a si i cu lamah a kal cangmi hna cu zungzal lawmhnak hmuh awkah a Pennak chungah a luhpi hna lai. A ngei lomi hna cu a hmaika in zungzal in hlonh an si lai.

Pathumnak cu Vanram kalnak lam cu dawtnak lam a si. Jesuh nih hitin a ti: “A nunnak humhak aa zuammi nih cun a nunnak kha a sung lai, sihmanhsehlaw a sunghmi nih cun a khamh lai” (Mt. 16:25). Hi bia hna hi Zungzal Nunnak lam a hmuhsaktu compass bantuk an si. Kan nunnak hi lam pakhat lawng a um i cucu dawtnak thawngin a si. Dawtnak cu midang an i lawmh khawh nakhnga mah le mah i pekchanhnak le mah le mah i peknak tling kha a si. Hihi Khrih zaangfahnak a si, tipil kan in lio ah kan hmuhmi biaknak lei ziaza ṭha a si. Khrih bantukin kan nun awk a si, mah cu “rianṭuan piak awk si loin an rianṭuan piaktu si awkah a rami” pakhat in kan nung awk a si (Mt. 20:28).

Dawtmi ulenau hna, adonghnak ah Donna Eick nih a ṭialmi Nunnak Cawnnak hi ruat hna u sih:

Ahmaanmi si nakin zaangfahnak ngeih hi abiapi deuh ti kha ka hngalh.

Ngakchia laksawng kha zeitikhmanh ah na al awk a silo ti kha ka hngalh.

Lamdang in bawmh khawhnak thazaang ka ngeih lo tikah mi pakhatkhat caah thla ka cam khawh zungzal ti kha ka hngalh.

Na nunnak nih zeitluk in biapi ah chiah an in herh zongah, mi vialte nih hrut ngaiin umṭi ding hawikom an herh ti kha ka hngalh.

A caan ahcun mi pakhat nih a herhmi cu tlaih awk kut le hngalhthiam awk lungthin lawng a si ti kha ka hngalh.

Nunnak cu zunput cahnah (toilet paper) bantuk a si ti kha ka hngalh. A dihnak a naih deuhdeuh tikah rang deuhdeuh in a kal.

Pathian nih kan halmi vialte a kan pek lo caah kan i lawmh awk a si ti kha ka hngalh.

Phaisa nih cawnnak (class) a cawk lo ti kha ka hngalh.

Nifatin thil cangmi hmetete hna nih nunnak kha khuaruahhar in a ser ti kha ka hngalh.

Mi vialte i harnak tangah cun sunsakmi le dawtmi si a duhmi pakhat a um ti kha ka hngalh.

Bawipa nih nikhat ah a tuah dih lo ti kha ka hngalh. Zei nih dah ka tuah khawh lai tiah a ka ruahter?

Mi pakhatkhat cungah lehrulhnak tuah na timh tikah, cu pa nih cun an in fahter peng ko lai ti kha ka hngalh.

Caan si loin dawtnak nih hma vialte a damter ti kha ka hngalh.

Lungfahnak na ngeih tikah lawmhnak cu hmundang ah a um lai ti kha ka hngalh.

Mithmai panh cu na muisam ṭhanchoternak caah a man a fawimi lam a si ti kha ka hngalh.

Ka intuarnak cu ka thim kho lo ti kha ka hngalh, asinain mah kongah zeidah ka tuah lai ti cu ka thim khawh.

Ruahnak cheuhnak hal tik le nunnak caah ṭih a nungmi thil a si lawngah ruahnak cheuh cu aṭhabik ti kha ka hun hngalh.