Chungkhar Kong
Nu le Pa asersatmi cu harnak an tongtiam.
“Fapa hruk nih cun a pa kha awlokchongin atuah i ahringtu a nu caah lungretheihnak asi”. (Phungthlukbia 17:25)
“Mihrut nih a pa chimh hrinnak kha zei ah a rel lo. (Phungthlukbia 15:5)
“Fapa fim nih cu napa chimhhrinnak kha angaih. Mi lungpuam nih cun ka palh tiah ati bal lo. Mittha nih cun dinnak theitlai kha an ei. Mi rawihmang nih cun zaang-en nak kha buh le sa tlukin an duh. Na biachim kha i ralring law na nunnak kha naa veng kho lai”. (Phungthlukbia 13: 1-3)
Nu le pa a sersat mi cu harnak an tong thiam.
“Apa kha ahlawt mi cu zeitluk in anganmi minchiatnak in a minthang mi asi”. A nu kha athin ahunter mi cu Pathian chiatserhnak an ing lai”. (Sirah 3:18)
Pale `hathnemnak kha zeirello in aum i pale sual aphawt mi hna fale cu an hruh man an hmuh lai. 2Samuel ah David Siangpahrangfapa pakhat asi mi Absalom cu dinfel lomi hna he aa komh i apa arak doh i apa nunnak kha arak `hihphaih. Cu fapa hrut Absalom cu sarthih in arak thi.
Nu le pa cungah asualmi fale hna an donghnak cu attha hrimhrim lo. Persia Siangpahrang Corroes (AD. 628) cu aram uk lioah apa kha arak thah. Zeiti asi hmanhah ahruh man cu amah hrim hrim nih arak ing tthan.
Corroes Siangpahrang afapa upabik cu a nunak avengtu hna he aa komh i Corroes Siangpahrang kha an tlaih hnu ah thir hri in an ttem i thong an thlak. Cuhnu ah afale taktak hna nih a ding lo a hrokhral nak phunphun kha sual an phawt.
“Nangmah cu na pa kha thih dan na rak pek caah kei zongnih nangmah kha cuve bangin kan tuah ve lai,” tiah ati i Corroes Siangpahrang kha thihdan arak pek.
Angaite kan chim ahcun Corroes Siangpahrang pa nih afapa kha tthatlonak ro arak pek caah cu tthatlonak theipar cu amah hrimhrim nih arak zun `hanmi asi kan ti khawh. “Minih a tuahmicu a zun ko lai.” (Galati 6:7)