November 11- Tuesday
Bible relnak: Luka 17:7-10
Rianṭuantu lungput
Charles Swindoll nih lungput kong a chim. Hitin a ti: “Ka nun a sau deuhdeuh tikah lungput nih nunnak ah huham a ngeih kha ka hun hngalh deuhdeuh”. Lungput cu, keimah caah cun, thil sining nakin a biapi deuh. Hlanlio nakin, fimthiamnak nakin, tangka nakin, thil sining nakin, hlawhtlin lonak nakin, hlawhtlinnak nakin, midang nih an ruahmi le an chimmi le an tuahmi nakin abiapi deuh. Muisam, laksawng ngeih le thiamnak nakin abiapi deuh. Company pakhat… biakinn pakhat … inn pakhat a ser lai asiloah a hrawh lai. Khuaruahhar ngai a simi cu cu ni caah kan cohlan dingmi lungput he pehtlaiin nifatin thimnak kan ngei. Kan hlanchan kha kan thlen kho lo… mi nih lam pakhatkhat in an tuah lai timi biatak kha kan thlen kho lo. Hrial khawh lomi cu kan thlen kho lo. Kan tuah khawhmi cu kan ngeihmi hri pakhat lawng a si i cucu kan lungput a si… Nunnak cu 10% ka cungah a tlungmi le 90% cu zeitindah ka lehrulh timi a si ti kha ka zumh. Cun nanmah zong, cu bantuk cun a si ve… kan lungput cu kanmah nih kan uk.”
A hramthawk ahcun nihin thawngṭha hi hngalhthiam a hardeuh tiah ka hmuh. Bawipa cu a sal nih a caah a tuahmi cungah lunglawmhnak a ngei lomi le a lung a fahtermi a si tiah ka leh tawn. Asinain mah cu a si lo. Jesuh nih kanmah bantuk sal asiloah rianṭuantu i a hrampi lungput kong kha cawnpiak a kan duh. Sinum cu rianṭuan ding le amah sinin ruahchanmi innchungkhar rian tlamtling tein ṭuan dingah a um sawhsawh. Aa tinhmi cu Phungbia cawnpiaktu saya hna le Farasi mi hna nih Pathian he an i pehtlaihning remh kha a si. Biaknak cu bawi le sal karlak i biakamnak ah an rak ruah. Amah pennak chungah laksawng hleice le zohkhenhnak ṭha deuh hmuh ding ruahchannak he an biaknak rian kha an ṭuan.
Hihi kanmah le kanmah thilṭha kan tuahmi ruangah kanmah le kanmah kan i lawmhpinak lungput remh ding zong a si. 365 Days with the Lord 2007 nih Pathian nawlbia kan zulh ahcun, Pathian cu zeitindah kan cungah leiba a ngei tiah kan ruah, amah nih laksawng cheukhat a kan pek ve tiah kan ruah. Asinain Jesuh nih Pathian cu zeihmanh leiba a ngei lo tiah a ti. Pathian cu kan leiba ah kan chiah kho bal lai lo. Jesuh cu “rianṭuanpiak si awkah si loin riantuan piaktu si awkah” (Matt 20:28) a rat bantukin kanmah le kanmah kha Pathian sal ah kan i ruah awk a si. Kan buainak cu kan tuahmi thilṭha le mah le mah lungtlinnak kong ah kan lungre a thei tuk. Kan tuah khawhmi thil thabik cu kan phu le kan tlak lo cu Pathian nih biakhiahnak tuahter hi a si. Kanmah cungah siloin Pathian cung lawngah lungthin pe hna u sih.
Soubirous khuami Mithiang Bernadette (1844-1879) tuanbia bantuk tein, tlangbawi pakhat nih a phungchimnak ah a chimmi, ngaknu sinah Thluachuak Nu nih Lourdes khua, France ah a lang i biaknak lei aa zuammi Sister nu nih a harmi a nunnak a hmang ti a si. Journalist pakhat nih a kawl khawh i a donghnak ah Prioress sinin biahalnak tuahnak nawl a hmuh. Journalist nih a halmi biahalnak pakhat cu vawleicung pumpi ah minthang ngai na si lio ah zeicahdah a fiang lomi nunnak ah nun na thim ti hi a si. A lehnak ah Bernadette nih amah le amah kha inn thianhnak caah hman hnuah innkil te i chiahmi inn thianhnak hmunphiah he aa tahchunh. Cucaah Pathian nih a nunnak caah tinhmi a hmuhcang caah le cu tinhmi cu a tlincang caah, atu cu a dang tein chiah a si cang i lawmhnak he tuah dingin aa thim cang.
Cucaah dawtmi ulenau hna, kan dihlak in Pathian caah siseh, Khrihfabu caah siseh, midang caah siseh kan rak tuahmi kha pehzulh in: “Kannih cu santlailo sal kan si, kan tuah awk a simi kha kan tuah ko,” tiah ti hna u sih. Amen.