Pope Leo XIV nih Myanmarram caah a chimmi bia hna
Your Eminence / Your Grace / Your Excellency,
Dear Brothers and Sisters,
Dear Friends of RVA
November 5
Pope Leo XIV nih Kawlram caah a chimmi bia hna kha lunglawm tein ka hrawmh hna:
“U le nau hna, vawleicung hmunkip ah hriamtlai kahdohnak ruangah harsatnak a tongmi hna caah thlacamnak in nan ka telpi ve dingah kan sawm hna. Myanmarram kong hi abikin ka ruat, Myanmarram mipi philh hna hlah u sih, a herhmi bawmhnak zong rak pe cio hna usih tiah ramkip kha kan forh hna.”
Catechesis Cycle – Jubilee 2025: Jesuh Khrih kan ruahchannak. 4. Khrih Thawhṭhannak le chanthar vawlei harnak hna. 3. Easter nih nifatin nunnak ah ruahchannak a pek
Dawtmi u le nau hna, good morning, nan dihlak cungah lunglawm tein kan in don hna!
… Paschal thawngṭhanhnak cu tuanbia chung vialte ah a thangmi thawngpang lakah aa dawhbik, a nuambik le ahleiin a ummi thawngpang a si. Sualnak cungah dawtnak le thihnak cungah nunnak nih teinak a hmuh ti a langhtermi a biapi bikmi “Thawngṭha” a si, cucaah kan lungthin le kan thinlung a buaitertu sullam halnak a tlinter khomi thil pakhat lawng a si. … Thawhṭhannak biathli kong ruahnak in, sullam kan ngeih duhnak aphi kan hmuh. Kan minung sinak a derthawmmi he kan iton tikah, Paschal thawngṭhanhnak cu zohkhenhnak le damnak a si, nunnak nih nifatin pumpak le vawleicung pumpi ah kan tonmi ṭihnungmi harnak hna hmai ah ruahchannak a kan cawm. Easter hmuhning ahcun, Via Crucis, Vailamtah Lam cu, Via Lucis, Ceunak Lam ah aa thleng. Fahnak hnu lawmhnak kha kan i nuamhpi i kan ruah a herh, Thawhṭhannak hlan i a rak ummi dirhmun vialte kha ceunak thar ah kan hmuh ṭhan a hau.
Easter nih vailamtahnak cu a hloh lo, asinain kan minung tuanbia a thlengtu khuaruahhar nih dohnak ah a tei. Vailamtahnak tampi in hmelchunhmi kan chan hmanh nih Paschal ruahchannak a chuahter. Khrih thawhṭhannak cu ruahnak, theory a si lo, zumhnak hrampi a simi thil cangmi a si. Amah, a thoṭhanmi nih, Thiang Thlarau thawngin, hi kong hi a kan theihter peng, cucaah minung tuanbia nih ceunak a hmuh lonak hmun hmanh ah a tehte kan si khawh. Paschal ruahchannak nih lung a donghter lo. Nifatin kan khualtlawnnak thawngin Paschal zumh taktak timi cu kan nunnak thlennak, Khrihfa ruahchannak nem le ralṭhatnak ṭhawnnak in vawlei thlen khawhnak ding caah thlen tinak a si.
Pope Leo XIV caah thlacamnak pehzulh in kan ram le vawleicung pumpi ah daihnak caah biaruahnak le remdaihnak karhternak caah lungrualnak lungthin he rianṭuan ṭi khawhnak thazaang le ralṭhatnak kan pe khawhnak hnga Pa Pathian sinah nawlnak tuah hna u sih.
Khrih ah upatnak he;
Msgr. Andrea Ferrante
Chargé d’Affaires a.i.
Kawlram i Apostolic Nunciature