St. Martin de Porres

Audio (aw) zong in ngai khawh a si.👇👇

Zatlang pehtlaihnak phung ningcangnak bawi, Mithiang Martin de Porres cu 1579 kum, Peru ram Lima khua ah a chuak. Spain miphun mitthapa, a pa nih a taksa a nah caah a nu he a hlawt hna. Kum 15 a si ah Lima khua, Dominican Zateik Sianginn ah mi sawhsawh phun Brother sinak in a lut i cuka ahcun a thih tiang a um lan. Amah cu samset rianttuannak in siseh, thilsuk rian in siseh an bu chung i a niambik rian kha ralring te le nuam tein a rak ttuan. Mi sifak hna kha ei awk rawl le a hlu peknak ttuanvo khinh a si bantukin anmah caah ngakttah zohkhenhnak inn le siizung pakhat a timhtuah piak hna. Martin i a dawtnak chungah saram zong an i tel. Chizawh le uico hna caah inn a tuahpiak hna i Sianginn kulh chung i a ummi chizawh fate hna hmanh kha rawl a pek hna. A zumhnak a ngantuk ruangah zawtfahnak damter khawhnak le caankhat te chungah hmunhnih ah um khawhnak veel a rak hmu. Martin cu 1639 kum ah a thi i a ruak cu an khuapi in an rak thlah ti a si.