England Siangpahrang Charles III le a nupi Camilla nih Vatican ah Pope Leo XIV an ton
23 October 2025
England siangpahrang Charles III le Pope Leo hna cu Sistine Chapel ah hmunkhat ah thla an camṭi i tuanbia an ṭial. Kum 500 chung ah Churh of England (Anglican) le Catholic hruaitu hna caah a voikhatnak hmunkhat te ah thlacamṭinak tuahmi a si fawn.
Catholic le Anglican hna i thlacam le biaknak ningcang aa cawhmi Sistine Chaple pumhnak cu Mirang holh in Bawipa thlacamnak in an thawk. Sistine Chapel in choir group le England siangpahrang Charles III lei in Anglican bu in choir phu hnih a si mi Windsor Castle St George’s Chapel choir group le St James’s Palace Chapel Royal choir group in ngakchia choir group hna nih hla an sak.
England siangpahrang Henry VIII nih nu dang a ṭhit duh caah Catholic in a chuak i,Anglican bu a dirh. Siangpahrang Charles III cu 1534 ah Henry VIII nih Rome in aa ṭhen hnu in Pope he mipi hmai ah thla a camṭi mi British siangpahrang hmasa bik a si pin ah hi tuanbia a sernak thawng in Catholic le Anglican Khrihfabu karlak remdaihnak hmelchunhnak pakhat asi lai tiah ruahchannak a um. England siangpahrang cu Anglican bu ah hrauitu lu bik asi.
News source: Vatican News