Vawlei chungchuak thilri hna
Vawlei chungchuak thilri hna kha mi vialte hrawmi hman awk thilri ah ruahchannak
Kannih cu khrihfa siseh, Biaknak dang a biami si hna seh, Vawlei pumpi cu mi vialte nih kan ṭhencheu in kan hman ding mi ro thil a si i, Vawlei i a theipar Vawlei chungchuak thilri hna cu minung dihlak kha bawmh dingin a timh mi a si tiah kan cohlan cio. Khrihfa hna caah hi bantuk cohlannak cu Vawlei pumpi cu mivialte caah Pathian nih a sermi a si caah Pathian sin dinfelnak kha langhternak a si.
Kokek pawngkam zohkhenh kilvennak caah rianṭuannak poah ah sifak harsami le hnonmi hna i a hram minung tinvo a upat mi zatlang nunphung hmuhsak kha khumhchih a herh. Vawlei chungchuak thilri dihlak cu mi vialte caah a tinh i, mi vialte nih hman khawhnak nawl an ngei ti cawnpiakmi upadi tangah pumpak ngeihnak chiah cu zatlang nunphung tuah ser ning hna caah sui upadi a si i zatlang nunphung le nun ziaza he pehtlaimi chungah a hram a thawhnak a simi upadi a si. Khrihfa hna tuah tawn ningkeel in cawnpiaknak ah pumpak ngeihnak paoh kha tongh khawh a sibak lomi aana tling in ngeihnak a si tiah a rak lehkhan lo. Pumpak in ngeihnak paoh ah hin zatlang nunphung timhnak aa telve tiah a cawnpiak. Mithiang Pope John Paul -II nih hi cawnpiaknak kha fektein a rak chimh. Pathian cu Vawlei pumpi kha minung pakhat cio nunnak i umnak caah minung phun vialte caah a pek i, ahohmanh kha a hnon lo, ahohmanh kha hleice tinvo a pe lo. Hi kong kha biapi ah chiah in a rak chim mi bia a si.
Pope nih a chimchap mi ah minung rian zatlang nunphung, ṭhanchonak sipuazi, ramkhel rian le mipi hna nawlngeihnak telh in minung covo kha upat loin thapek dirkamhnak a umlo mi ṭhanchonak prokarem hna cu minung huham he aa tlak lo. Pope nih a fianternak ah Bupi cu pumpak in ngeihnak cu phungning nih hin covo a si tiah dirkamh in a chim nain, Vawlei chungchuak thilri hna cu Pathian nih minung caah a rak pek lio i chiah tak mi tinhnak kha bet khawhnak caah hman khawh dingin, pumpi in ngeih i thilri hna cu zatlang nunphung kong kau caah pawnmi thilri bantuk a si zong kha zapi nih a cawnpiak. Ahnu pehzulh mi ah Pope nih a peh i, Pathian nih Minung dihlak caah laksawng ah a pekmi Vawlei chungchuak thilri hna kha mitlawm deuh ṭhathnemnak ca lawngah hmannak cu Pathiang timhtuahnak he a ralchanh tiah a chim. Minung chungkhar cheukhat ah an hmanlio mi a dinfel lomi tuahtawn ningkeel hna kha abiapi in biahalnak a um kho.