Pope Leo (14) nak i October 2025, thlachung tuah dingmi hna
October 2025 ah
RVA Hakha 3, 9, 2025.
Cardinal Robert Francis Prevost cu Pope Leo (14) tiah rian a tuannak hi atu ahcun thla (4) lonh a sicang. Pope Leo cu culio caan chungah Italy lawngah a um i ramkip biaknak bu hna, ramkhel, zatlang hruaitu hna, phu phunphun pawl he tonnak lawng a rak ngeih rih.
Tukum cu Jubilee kum a si caah (2024, December 24) in (2026, January 6) tiang an suai ciami plan pawl kha a hruai a hau.
A ra laimi October thla ah, Pope nih zeibantuk program dah a tuah lai ti kha phungning tein hngalh a si cang lai. Thawngzamh ning ahcun, October thla cu Pope caah rian a tam ngai lai. Asinain, program tam deuh cu Jubilee he aa pehtlaimi an si caah St. Peter’s Square ah tuah a hau a ti.
Cu puai hna cu:
1. October (5), Zarhpi ni
Vawleicung missionary hna le ralzam hna i Jubilee lawmhnak Puai cu St. Peter’s Square ah zinglei Missa tuah a si lai.
2. October (9), Nirukni
Cu ni cu Biakamnak Pathum a tuahmi hna i Jubilee Ni a si caah, St. Peter Biakinn ah Jubilee Mass a hruai lai.
3. October (12), Zarhpini
Cu ni cu Nu Mary i nunnak le tuahsernak aa zohchunhmi a nung rihmi phu hna i Jubilee zong a si. Cu phu hna he cun, Jubilee Massa cu tuah a si lai.
4. October (19), Zarhpini
Vawleicung Missionary Ni a si. Cu ni ahcun, thianghlim mi (7) kha mithiang ah cawnsan an si lai i St. Peter Square ah raithawinak a hruai lai. Mithiang pek dingmi hna lakah, Archbishop Ignatius Choukrallah Maloyan zong a tel ve. Amah cu Mardin (1915) ah miphun cihmihnak sualnak an tuah ruang i thah a ingmi American biaknak lei martar a si.
A dang pakhat cu Papua New Guinea in Pastor Peter ToRot a si. Amah zong 1945 kum ah thah a rak si. Culio ahcun ramkulh cu colonial uknak in a rak ukmi Japan nawlngeitu hna nih thawngṭha chim cu fakpiin an rak kham nain zeirel loin phung a chim peng caah a si. Amah cu Papua New Guinea i ahmasabik mithiang a si lai.
Mithiang cawisan dingmi hna lakah a thiangmi Sister pa (3) zong an um ve. Cu hna a thiangmi Sr. Vincenza Maria Poloni, Sr. Maria del Monte Carmelo Rendiles Martínez le His Holiness Sr. Maria Troncatti hna an si.
A thiangmi Vincenza Maria Poloni cu Veronica Sisters Association dirhtu a si. A thiangmi Maria del Monte Carmelo Rendiles Martínez zong hi Jesuh Sal hna phu dirhtu a si.
Mithiang Maria Troncatt cu a thiang biakamnak a lakmi Sister sawhsawh a si. Amah cu Mi Bawm Zungzal khotu phu chungtel a si
Mithiang ah cawisang dingmi pa 7 an si i Catholic sawhsawh pa 2 an i tel. Cuhna cu, a thianghlimmi José Gregorio Hernández Cisneros le a thianghlimmi Bartolo Longo hna an si.
A Thianghlimmi José Gregorio Hernández Cisneros cu Venezuela rammi a si. Amah cu St. Francis i thlarau lei tuahsernak a tuahtu a si. Sifak santlai lomi cawnpiaktu tiah thangṭhat a tongmi zong a si. Zeicatiah amah zong kha Sibawi a si i siiai a caw kho lomi hna kha man loin a thlopbultu a si.
Italy ram i a thiangmi Bartolo Longo cu Pompei Bawinu Mary i lungson saktu a si. Amah cu Pathian i Nu upat tukmi a si bantukin, Italy mi hna zong nih Pompei i Bawinu Mary biakinn ah an kalnak thawngin an Nu an upatnak kha an langhter tawn.
5. October (26), Zarhpini
Tlangbawi ngan Pope nih St. Peter Square ah nunphung phunphun in Synod phu chungtel hna i Jubilee Missa a tuah lai.
6. October (27), Nikhatni
St. Peter Basilica Biakinnpi ah Rome khua i Pope kuttang um sianghleiruun hna i siang ngakchia pawl he hmunkhatin Missa an tuah lai cu i fimcawnnak kumthar an thawk cang lai tiah thawngthanh a si.